രാജ്യത്തെ ഏറ്റവും ഉയരം കൂടിയ ദേശീയ പതാക അട്ടാരി അതിര്‍ത്തിയില്‍ സ്ഥാപിക്കും
ന്യൂഡല്‍ഹി: രാജ്യത്തെ ഏറ്റവും ഉയരം കൂടിയ ദേശീയ പതാക സ്ഥാപിക്കാൻ നാഷണല്‍ ഹൈവേ അതോറിറ്റി ഓഫ് ഇന്ത്യ (എന്‍.എച്ച്.എ.ഐ). അട്ടാരി അതിര്‍ത്തിയിലാണ് 418 അടി ഉയരമുള്ള പതാക സ്ഥാപിക്കുന്നത്. ഇതോടെ പാകിസ്താന്‍ അട്ടാരിയില്‍ ഉയര്‍ത്തിയിരിക്കുന്ന പതാകയെക്കാള്‍ ഉയരത്തിലാവും ഇന്ത്യന്‍ ദേശീയ പതാക.
300 അടി ഉയരമുള്ള പതാക 2017 മാർച്ചിലാണ് സ്ഥാപിച്ചത്. പകരം വാഗ ചെക്ക് പോസ്റ്റിന് സമീപം 400 അടി ഉയരത്തിൽ പാകിസ്ഥാനും പതാക സ്ഥാപിച്ചു. എന്നിരുന്നാലും, എൻഎച്ച്എഐ സ്ഥാപിക്കുന്ന ദേശീയ പതാകയ്ക്ക് പാക് പതാകയേക്കാൾ 18 അടി ഉയരമുണ്ടാകും.
കേന്ദ്ര സർക്കാരിന്റെയും സംസ്ഥാന സർക്കാരിന്റെയും അനുമതി ലഭിച്ച ശേഷമായിരിക്കും പദ്ധതിക്ക് തുടക്കമിടുക. 20 ദിവസത്തിനകം നിർമാണം ആരംഭിക്കും. നിലവിലുള്ള പതാക നീക്കം ചെയ്യാൻ തീരുമാനമെടുത്തിട്ടില്ലെന്നും പുതിയ പതാകയുടെ നിർമ്മാണം പൂർത്തിയായ ശേഷം തീരുമാനമെടുക്കുമെന്നും ദേശീയപാത അതോറിറ്റി ഓഫ് ഇന്ത്യ (എൻഎച്ച്എഐ) അധികൃതർ പറഞ്ഞു. അട്ടാരി അതിർത്തിയും സമീപ പ്രദേശങ്ങളും മനോഹരമാക്കാനും ദേശീയപാത അതോറിറ്റി ഓഫ് ഇന്ത്യ (എൻഎച്ച്എഐ) പദ്ധതിയിടുന്നുണ്ട്. കാണാടകയിലെ ബെല്‍ഗാം കോട്ടയിലാണ് നിലവില്‍ രാജ്യത്തെ ഏറ്റവും ഉയരം കൂടിയ പതാകയുള്ളത്. ഇതിന് 361 അടിയാണ് ഉയരം.
