‘സർക്കാരിനെ അപകീർത്തിപ്പെടുത്താൻ കോൺഗ്രസും ബിജെപിയും ഓവർടൈം പ്രവർത്തിക്കുന്നു’
ഇടത് സർക്കാരിനെ അപകീർത്തിപ്പെടുത്താൻ കോൺഗ്രസും ബി.ജെ.പിയും ഓവർടൈം പ്രവർത്തിക്കുകയാണെന്ന് സി.പി.ഐ സംസ്ഥാന സെക്രട്ടറി കാനം രാജേന്ദ്രൻ. ആരെയും ഉപയോഗിച്ച് അപകീർത്തിപ്പെടുത്താനാണ് ശ്രമമെന്നും ഇത് ജനങ്ങളുടെ സഹായത്തോടെ നേരിടുമെന്നും കാനം പറഞ്ഞു.
സർക്കാരിന് നാണക്കേടുണ്ടാക്കുന്നവർക്കെതിരെ നടപടിയെടുക്കുമെന്നും കാനം രാജേന്ദ്രൻ പറഞ്ഞു. ഇതിൻറെ ഭാഗമാണ് വിജിലൻസ് മേധാവിക്കെതിരായ നടപടി. നടപടിയുമായി ബന്ധപ്പെട്ട ആരോപണങ്ങളിൽ അർത്ഥമില്ലെന്നും കാനം രാജേന്ദ്രൻ പറഞ്ഞു.
ഏതോ ഒരു പോലീസുകാരന്റെ മണ്ടത്തരമായി തോന്നിയ കാര്യമാണിതെന്നും അതിന് കൂടുതൽ ഗൗരവം നൽകേണ്ട ആവശ്യമില്ലെന്നും, ഭരണനേതൃത്വം അറിഞ്ഞല്ല വിജിലൻസ് ഡയറക്ടറുടെ ഇടപെടൽ ഉണ്ടായതെന്നും കാനം രാജേന്ദ്രൻ പറഞ്ഞു.
