ലോകത്തെ ഏറ്റവും ശബ്ദമുള്ള പക്ഷി വൈറ്റ് ബെല്‍ ബേര്‍ഡ്
ബ്രസീൽ: പക്ഷികളുടെ ലോകം ശബ്ദങ്ങളുടെ ലോകമാണ്. കാക്കകൾ മുതൽ കുയിലുകൾ വരെ, സൃഷ്ടിക്കുന്ന ശബ്ദ വ്യതിയാനങ്ങൾ നമ്മൾ കേൾക്കുകയും ആസ്വദിക്കുകയും ചെയ്യുന്നു. പക്ഷികൾ വിവിധ ആവശ്യങ്ങൾക്കായി വ്യത്യസ്ത അവസരങ്ങളിൽ അത്തരം ശബ്ദങ്ങൾ പുറപ്പെടുവിക്കുന്നു. മുന്നറിയിപ്പു നല്‍കാനും ഇണയെ ആകര്‍ഷിക്കാനുമെല്ലാം പക്ഷികള്‍ തങ്ങള്‍ ഉണ്ടാക്കുന്ന ശബ്ദങ്ങള്‍ ഉപയോഗിക്കുന്നു. ലോകത്തിലെ എല്ലാ പക്ഷികളും അത്തരം വ്യത്യസ്ത തരത്തിലുള്ള ശബ്ദങ്ങൾ ഉത്പാദിപ്പിക്കാൻ കഴിവുള്ളവരാണെങ്കിലും, ഇവയിൽ ഏറ്റവും ഉച്ചത്തിലുള്ളത് ബ്രസീലിൽ കാണപ്പെടുന്ന ഒരു പക്ഷിയാണ്.
വെളുത്ത തൂവലുകള്‍ നിറഞ്ഞ സുന്ദരന്‍ പക്ഷിയാണ് ബ്രസീലിയന്‍ വൈറ്റ് ബെല്‍ ബേര്‍ഡ്. പ്രൊക്നിയാസ് ആൽബസ് എന്ന് ശാസ്ത്രീയമായി നാമകരണം ചെയ്യപ്പെട്ട ഈ പക്ഷി ഇപ്പോൾ ലോകത്തിലെ ഏറ്റവും ശബ്ദമുള്ള പക്ഷിയായി മാറി. ഇക്കൂട്ടത്തിലെ ഒരു പക്ഷി ഇണയെ ആകര്‍ഷിക്കാന്‍ നടത്തിയ കൂവലാണ് ഈ റെക്കോര്‍ഡിന് അര്‍ഹമാക്കിയത്. പക്ഷിയുടെ കൂവലിന് ഇതുവരെ രേഖപ്പെടുത്തിയിട്ടുള്ളതിൽ വച്ച് ഏറ്റവും ഉയർന്ന ശബ്ദമുണ്ടെന്ന് ഗവേഷകർ തിരിച്ചറിഞ്ഞു. രേഖപ്പെടുത്തിയ വോളിയം 125.4 ഡെസിബെൽ ആണ്.
ബ്രസീലിലെ ആമസോൺ വനമേഖലയുടെ വടക്കുകിഴക്കൻ ഭാഗത്താണ് ഈ പക്ഷികൾ കാണപ്പെടുന്നത്. ആൺ പക്ഷികളും പെൺ പക്ഷികളും ഇണകളെ ഈ വിധത്തിൽ ആകർഷിക്കാൻ ശബ്ദമുണ്ടാക്കുന്നു. ഇതില്‍ ആണ് പക്ഷിയുടെ ശബ്ദമാണ് ഇപ്പോള്‍ റെക്കോഡിന് അർഹമായിരിക്കുന്നത്. കൂടാതെ, ആൺ പക്ഷികൾ മാത്രമാണ് വെളുത്ത നിറത്തിൽ കാണപ്പെടുന്നത്. പെണ്‍ പക്ഷികളുടെ നിറം ഇളം ഒലീവ് പച്ചയാണ്. സംസാരിക്കുന്നതിനിടയിലോ പാട്ടിനിടയിലോ മൈക്കില്‍ നിന്നു പുറത്തു വരുന്ന അരോചകമായ ശബ്ദത്തിനു സമാനമാണ് ഈ പക്ഷിയുടെ ശബ്ദം.
