പൊങ്കലിന് ബോക്‌സോഫീസില്‍ മത്സരിക്കാന്‍ വിജയും പ്രഭാസും
ഇളയദളപതി വിജയ് അഭിനയിച്ച ഏറ്റവും പുതിയ ചിത്രമാണ് വാരിസ്. വംശി പൈഡിപ്പള്ളി ആദ്യമായി സംവിധാനം ചെയ്യുന്ന തമിഴ് ചിത്രമാണിത്. ദീപാവലി ദിനത്തിലാണ് ചിത്രത്തിന്‍റെ പുതിയ പോസ്റ്റർ പുറത്തിറങ്ങിയത്. പൊങ്കലിന് വാരിസ് റിലീസ് ചെയ്യുമെന്ന് നിർമ്മാതാക്കൾ അറിയിച്ചിട്ടുണ്ട്.
വിജയിയുടെ 66-ാമത്തെ ചിത്രമാണ് വാരിസ്. പ്രകാശ് രാജ്, എസ്.ജെ.സൂര്യ എന്നിവരും ചിത്രത്തിൽ ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്. രശ്മിക മന്ദാനയാണ് നായിക. ശ്രീ വെങ്കിടേശ്വര ക്രിയേഷൻസിന്‍റെ ബാനറിൽ ദിൽ രാജുവാണ് ചിത്രം നിർമ്മിക്കുന്നത്. തമനാണ് ചിത്രത്തിന് സംഗീതം ഒരുക്കുന്നത്.
വിജയ് ചിത്രത്തിന് ക്ലാഷ് റിലീസായി പ്രഭാസിന്റെ ആദിപുരുഷ് എത്തും. പൊങ്കലിന് രണ്ട് ദിവസം മുമ്പ് ആദിപുരുഷ് റിലീസ് ചെയ്യും. പ്രഭാസ്-ഓം റൗട്ട് ചിത്രം ‘ആദിപുരുഷ്’ എന്ന ചിത്രത്തിന്‍റെ ടീസറിന് വലിയ വിമർശനമാണ് ലഭിച്ചത്. രാമായണത്തെ ആസ്പദമാക്കി ഒരുക്കുന്ന ചിത്രത്തിൽ സെയ്ഫ് അലി ഖാൻ, കൃതി സനോൺ എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു. ടി-സീരീസ്, റെട്രോഫൈൽ എന്നിവയുടെ ബാനറിൽ ഭൂഷൺ കുമാർ, കൃഷ്ണകുമാർ, ഓം റൗട്ട് എന്നിവർ ചേർന്നാണ് ചിത്രം നിർമ്മിക്കുന്നത്. സാഹോ, രാധേശ്യാം എന്നീ ചിത്രങ്ങൾക്ക് ശേഷം പ്രഭാസിന്റെ നിർമ്മാതാവ് ഭൂഷൺ കുമാറിനൊപ്പമുള്ള മൂന്നാമത്തെ ചിത്രമാണിത്.
