ഇനിമുതൽ കണ്ടുകൊണ്ടിരുന്ന റീൽ വീണ്ടും കാണാം; വാച്ച് ഹിസ്റ്ററി ഫീച്ചർ അവതരിപ്പിച്ച് ഇൻസ്റ്റാ​ഗ്രാം

മുംബൈ: കണ്ടുകൊണ്ടിരുന്ന റീൽ വീണ്ടും കാണാൻ പുതിയ ഫീച്ചർ അവതരിപ്പിച്ച് ഇൻസ്റ്റാ​ഗ്രാം. വാച്ച് ഹിസ്റ്ററി ഫീച്ചറാണ് അവതരിപ്പിച്ചിരിക്കുന്നത്. ഏറ്റവും പുതിയ അപ്ഡേറ്റിനൊപ്പം ഈ ഫീച്ചർ ഫോണുകളിൽ ലഭിക്കും. വാച്ച് ഹിസ്റ്ററി എത്തുന്നതോടെ സേവ് ചെയ്ത് വെക്കാതെ തന്നെ ഒരിക്കൽ കണ്ട റീൽസ് വീണ്ടും കാണാൻ കഴിയും.

വാച്ച് ഹിസ്റ്ററിയിൽ റീൽസ് തീയതി, സമയക്രമം, ക്രിയേറ്റർ എന്നിവയുടെ അടിസ്ഥാനത്തിൽ വേർതിരിച്ച് കാണാനാവും. ഈ ഫീച്ചർ ആക്ടിവേറ്റ് ചെയ്യുന്നതിനായി സെറ്റിങ്സ് തുറന്ന് യുവർ ആക്ടിവിറ്റി തിരഞ്ഞെടുക്കുക. ഇതിൽ How to use instagram എന്ന സെക്ഷനിൽ Watch History എന്ന ഓപ്ഷൻ കാണാൻ കഴിയും. ഇവിടെ നിന്ന് നിങ്ങൾ‌ക്ക് കണ്ട റീൽസ് വീണ്ടും കാണാൻ സഹായിക്കും.

ഏറ്റവും പുതിയത് മുതൽ പഴയത് വരെയുള്ളത് അടിസ്ഥാനമാക്കിയാണ് റീലുകൾ ക്രമീകരിക്കുക. ഇപ്പോൾ 30 ദിവസത്തെ ഇൻസ്റ്റാഗ്രാം റീലുകൾ മാത്രമേ വാച്ച് ഹിസ്റ്ററിയിൽ കാണാൻ കഴിയൂ.