ചികിത്സയ്ക്കെത്തിയ യുവതിക്ക് നേരെ ലൈംഗികാതിക്രമം; ഡോക്ടർ അറസ്റ്റിൽ

മലപ്പുറം: പെരിന്തൽമണ്ണയ്ക്കടുത്ത് പട്ടിക്കാട് ചികിത്സയ്ക്കെത്തിയ യുവതിയെ ലൈംഗികമായി പീഡിപ്പിച്ച കേസിൽ ഡോക്ടർ അറസ്റ്റിൽ. ചുങ്കത്തിലെ സ്വകാര്യ ആശുപത്രിയിൽ വച്ചാണ് ഡോക്ടർ യുവതിയെ ലൈംഗികമായി പീഡിപ്പിച്ചത്. പ്രതിയായ ഡോ.ഷെരീഫിനെ പൊലീസ് അറസ്റ്റ് ചെയ്തു.

ഈ മാസം 2ന്, ഉയർന്ന രക്തസമ്മർദ്ദത്തിന് ചികിത്സയ്ക്കെത്തിയ യുവതിയോട്, മുമ്പത്തെ മൂത്രാശയ അണുബാധയെക്കുറിച്ച് ഡോക്ടർ ചോദിക്കുകയും പരിശോധനയ്ക്കെന്ന വ്യാജേന രഹസ്യഭാഗങ്ങളിൽ സ്പർശിച്ചെന്നും ബലം പ്രയോഗിച്ച് പിടിച്ച് കീഴ്പ്പെടുത്താൻ ശ്രമിച്ചെന്നുമാണ് യുവതിയുടെ പരാതി. ഡോക്ടറുടെ വയറ്റിൽ ചവിട്ടിയ ശേഷം യുവതി ഓടി രക്ഷപ്പെടുകയായിരുന്നു