വർക്കലയിൽ ന്യൂ ഇയർ ആഘോഷിക്കാൻ എത്തിയ യുവാവ് കടലിൽ മുങ്ങി മരിച്ചു

തിരുവനന്തപുരം: പുതുവത്സരാഘോഷത്തിനായി വർക്കലയിലെത്തിയ യുവാവ് തിരയിൽപ്പെട്ട് മരിച്ചു. ബെംഗളൂരു സ്വദേശി അരൂപ് ഡേയാണ് മരിച്ചത്. ശനിയാഴ്ച രാവിലെ 9.30 ഓടെയാണ് സംഭവം. അരൂപ് ഡേയും ഭാര്യയും സുഹൃത്തുക്കളും അടങ്ങുന്ന 11 അംഗ സംഘമാണ് ബെംഗളൂരുവിൽ നിന്ന് വർക്കലയിലെത്തിയത്.

ഒടയം ബീച്ചിലെ റിസോർട്ടിലായിരുന്നു ഇവരുടെ താമസം. റിസോർട്ടിന് സമീപത്തെ കടൽത്തീരത്ത് കുളിക്കാൻ പോയപ്പോഴാണ് അരൂപ് മുങ്ങിമരിച്ചത്. സമീപത്തെ മത്സ്യത്തൊഴിലാളികളും സുഹൃത്തുക്കളും ചേർന്ന് യുവാവിനെ രക്ഷപ്പെടുത്തി ആശുപത്രിയിലെത്തിച്ചെങ്കിലും രക്ഷിക്കാനായില്ല.