പൊതുവിദ്യാഭ്യാസ വകുപ്പിൽ 312.88 കോടി രൂപയുടെ പദ്ധതികൾക്ക് അനുമതി
സംസ്ഥാനത്തെ പൊതുവിദ്യാഭ്യാസ വകുപ്പിൽ 312.88 കോടി രൂപയുടെ വിവിധ പദ്ധതികൾ അനുവദിച്ചതായി വിദ്യാഭ്യാസ മന്ത്രി വി ശിവൻകുട്ടി. സൗജന്യ സ്കൂൾ യൂണിഫോമിന് 140 കോടി രൂപയും മാനസിക വെല്ലുവിളി നേരിടുന്ന വിദ്യാർത്ഥികൾക്കുള്ള 288 സ്കൂളുകൾക്ക് സാമ്പത്തിക സഹായവും അനുവദിച്ചു. ഇ-ഗവേണൻസിനായി 15 കോടി രൂപയും അനുവദിച്ചിട്ടുണ്ട്.
ഹയർ സെക്കൻഡറി സ്കൂളുകളിലെ ലാബ് നവീകരണത്തിന് 10 കോടി, ഹയർ സെക്കൻഡറി സ്കൂളുകളിൽ ലാബ് ഉപകരണങ്ങൾ, ഫർണിച്ചറുകൾ, ലൈബ്രറി പുസ്തകങ്ങൾ എന്നിവയ്ക്ക് 9 കോടി, കേരള സ്കൂൾ കലോൽസവത്തിന് 6.7 കോടി, ഹയർ സെക്കൻഡറി അക്കാദമിക് നിലവാരം മെച്ചപ്പെടുത്തുന്നതിന് 7.45 കോടി, മോഡൽ ഇൻക്ലൂസീവ് സ്കൂളിന് 7.45 കോടി, പ്രത്യേക വൈകല്യമുള്ളവർക്ക് മാതൃകാ കേന്ദ്രങ്ങളായി തിരഞ്ഞെടുത്ത പൊതുവിദ്യാലയങ്ങളെ ശക്തിപ്പെടുത്തുന്നതിന് 5 കോടി എന്നിങ്ങനെയാണ് വകയിരുത്തിയിട്ടുള്ളത്.
