ബോളിവുഡ് ഇതിഹാസം നടൻ ധര്മേന്ദ്ര അന്തരിച്ചു
ബോളിവുഡ് ഇതിഹാസം നടൻ ധര്മേന്ദ്ര അന്തരിച്ചു.89 വയസ്സായിരുന്നു.പഞ്ചാബിലെ ലുധിയാന ജില്ലയിലെ നസ്രാലി എന്ന ഗ്രാമത്തില് 1935 ഡിസംബർ 8നാണ് ധർമേന്ദ്രയുടെ ജനനം.1960-ല് പുറത്തിറങ്ങിയ ‘ദില് ഭി തേരാ ഹം ഭി തേരേ’ എന്ന ചിത്രത്തിലൂടെയാണ് ധർമേന്ദ്ര തൻ്റെ അഭിനയ ജീവിതം ആരംഭിച്ചത്.300ലധികം സിനിമകളില് പ്രവർത്തിച്ചിട്ടുണ്ട്. ഹിന്ദി സിനിമയില് ഏറ്റവും കൂടുതല് ഹിറ്റ് ചിത്രങ്ങളില് അഭിനയിച്ചതിൻ്റെ റെക്കോർഡും ധർമ്മേന്ദ്രയുടെ പേരിലാണ്.1997ല് ബോളിവുഡിന് നല്കിയ സംഭാവനകള്ക്ക് ഫിലിംഫെയർ ലൈഫ് ടൈം അച്ചീവ്മെൻ്റ് അവാർഡും അദ്ദേഹത്തെ തേടി എത്തിയിരുന്നു.
2012ല്, ഇന്ത്യയിലെ മൂന്നാമത്തെ ഉയർന്ന സിവിലിയൻ ബഹുമതിയായ പത്മഭൂഷണ് നല്കി അദ്ദേഹത്തെ ആദരിച്ചു. മുന് എംപി കൂടിയാണ് ധര്മേന്ദ്ര. 1954ല് ആയിരുന്നു ആദ്യ ഭാര്യയായ പ്രകാശ് കൗറുമായുള്ള വിവാഹം. പിന്നീട് നടി ഹേമമാലിനിയെ വിവാഹം കഴിച്ചു. സണ്ണി ഡിയോള്, ബോബി ഡിയോള്, ഇഷ എന്നിവരാണ് മക്കള്