താമരശ്ശേരിയില് യുവതിയെ ഫ്ളാറ്റില് തൂങ്ങിമരിച്ച നിലയില് കണ്ടെത്തി; മരണം വിവാഹമോചിതയായി മറ്റൊരു യുവാവിനൊപ്പം താമസിച്ചുവരവെ
താമരശ്ശേരിയില് യുവതിയെ ഫ്ളാറ്റില് തൂങ്ങിമരിച്ച നിലയില് കണ്ടെത്തി. കൈതപ്പൊയിലിലെ ഹൈസൻ അപ്പാർട്ട്മെന്റില് വാടകയ്ക്ക് താമസിക്കുന്ന 34 കാരിയായ ഹസ്നയെയാണ് അപ്പാർട്ട്മെൻില് തൂങ്ങി മരിച്ച നിലയില് കണ്ടെത്തിയത്.യുവതി കാക്കൂർ മുണ്ടപ്പുറക്കുന്ന് സ്വദേശിനിയാണ്. എട്ട് മാസത്തോളമായി കൈതപ്പൊയിലില് യുവാവിനൊപ്പം താമസിച്ചു വരികയായിരുന്നു.
ഇന്നലെ രാവിലെ പത്തുമണികഴിഞ്ഞിട്ടും മുറി തുറക്കാത്തതിനെ തുടർന്ന് ഫ്ളാറ്റിനുള്ളിലെ തൊട്ടടുത്ത റൂമില് താമസിക്കുന്നയാളും നിലവിലെ ജീവിത പങ്കാളിയുമായ പുതുപ്പാടി ചോയിയോട് വേനകാവ് ആദില് വയസ്സ് (29) ഫ്ളാറ്റ് ഉടമസ്ഥനെ വിളിച്ചുവരുത്തുകയും തുടർന്ന് വാതില് ചവിട്ടി പൊളിക്കുകയും ചെയ്തപ്പോഴാണ് യുവതിയെ തൂങ്ങി മരിച്ച നിലയില് കണ്ടതെന്ന് പോലീസ് പറഞ്ഞു.
ആദിലും ഹസ്നയും കഴിഞ്ഞ എട്ടുമാസത്തോളമായി ഒരുമിച്ച് കഴിയുകയാണ്. മരിച്ച ഹസ്ന വിവാഹമോചിതയാണ്. ആദിലുമായി വിവാഹം കഴിച്ചിട്ടില്ല. ഹസ്നയ്ക്ക് മൂന്ന് മക്കളുണ്ട്. 13 വയസുള്ള മൂത്തമകൻ മാത്രമേ ഇപ്പോള് ഹസ്നയുടെ കൂടെ താമസിക്കുന്നുള്ളൂ. മറ്റ് രണ്ടു മക്കളേയും മുൻ ഭർത്താവ് കാണിച്ചു കൊടുക്കാത്തതിലും മറ്റും ഹസ്നക്ക് മനോവിഷമം ഉണ്ടായിരുന്നതായി പറയപ്പെടുന്നു. ആദിലും വിവാഹമോചിതനാണ്.