കൊല്ലം ചടയമംഗലത്ത് ഹോട്ടലുടമയെ തൊഴിലാളി കുത്തിക്കൊന്നു; പ്രതി പിടിയില്
കൊല്ലം : കൊല്ലം ചടയമംഗലം കുരിയോട് ജങ്ഷനില് ഹോട്ടലുടമയെ തൊഴിലാളി കുത്തിക്കൊലപ്പെടുത്തി. കുരിയോട് പ്രവർത്തിക്കുന്ന ‘സ്പൈസി’ ഹോട്ടലിന്റെ ഉടമ സക്കീർ ആണ് കൊല്ലപ്പെട്ടത്.കൂലി സംബന്ധമായ തർക്കത്തെത്തുടർന്നുണ്ടായ പ്രകോപനമാണ് ദാരുണമായ കൊലപാതകത്തില് കലാശിച്ചത്. കൃത്യത്തിന് ശേഷം ഒളിവില് പോയ പ്രതി ഇർഷാദിനെ തിരുവനന്തപുരം മണ്ണന്തലയില് വെച്ച് പിടികൂടി.