ഗ്രൗണ്ടില് ഫുട്ബോള് കളിക്കാൻ എത്തിയ യുവാവ് ഇടിമിന്നലേറ്റ് മരിച്ചു
ആലപ്പുഴ: ചെങ്ങന്നൂരില് ഇടിമിന്നലേറ്റ് യുവാവ് മരിച്ചു. ആസിഫ് അഷറഫ് (23) ആണ് മരിച്ചത്. പുത്തൻകാവ് പളളി ഗ്രൗണ്ടില് ഫുട്ബോള് കളിക്കാൻ എത്തിയതായിരുന്നു.ഇതിനിടെ ഇടിമിന്നല് ഏല്ക്കുകയായിരുന്നു. ഉടൻ തന്നെ ആശുപത്രിയില് എത്തിച്ചെങ്കിലും മരിച്ചു. അടുത്ത മാസം വിദേശത്തേക്ക് തിരിച്ചുപോകാനിരിക്കെയാണ് അപകടം ഉണ്ടായത്. മൃതദേഹം പോസ്റ്റ്മോർട്ടത്തിന് ശേഷം കുടുംബത്തിന് വിട്ടുനല്കും.