സൗദിയിൽ മലയാളി യുവാവ് ഹൃദയാഘാതം മൂലം മരിച്ചു

സൗദി അറേബ്യയിൽ ഒന്നര പതിറ്റാണ്ടോളമായി പ്രവാസിയായ മലയാളി യുവാവ് ഹൃദയാഘാതം മൂലം അന്തരിച്ചു. കോഴിക്കോട് അത്തോളി ചീക്കിലോട് സ്വദേശി പുതിയേടത്ത് വീട്ടിൽ അരുൺ വിജയൻ ആണ് മരിച്ചത്. 42 വയസായിരുന്നു. കിഴക്കൻ പ്രവിശ്യയായ അൽ ഖോബാറിലായിരുന്നു സംഭവം.

ഉച്ചഭക്ഷണത്തിന് ശേഷം ഓഫീസിൽ തിരിച്ചെത്തിയ അരുണിന് പെട്ടെന്ന് ശാരീരിക അസ്വസ്ഥതകൾ അനുഭവപ്പെടുകയായിരുന്നു. സഹപ്രവർത്തകർ ഉടൻ തന്നെ അരുണിനെ അടുത്തുള്ള ആശുപത്രിയിലേക്ക് കൊണ്ടുപോയെങ്കിലും വഴിമധ്യേ വാഹനത്തിൽ വെച്ച് അദ്ദേഹം കുഴഞ്ഞുവീണു. ആശുപത്രിയിൽ എത്തിച്ചയുടൻ ഡോക്ടർമാർ പരിശോധകൾ നടത്തിയെങ്കിലും യാത്രാമദ്ധ്യേവെച്ച് തന്നെ മരണം സംഭവിച്ചിരുന്നതായി സ്ഥിരീകരിച്ചു.