സ്വർണ വിലയിൽ നേരിയ ഇടിവ് 

തുടർച്ചയായ കുതിപ്പുകൾക്ക് താൽക്കാലിക വിരാമമിട്ട് സംസ്ഥാനത്ത് സ്വർണ വിലയിൽ നേരിയ ഇടിവ്. 22 കാരറ്റ് ഒരു ഗ്രാം സ്വർണത്തിന് 70 രൂപയാണ് കുറഞ്ഞിരിക്കുന്നത്. ഇതോടെ സ്വർണത്തിന് ഒരു ഗ്രാമിന് 14,940 രൂപയും പവന് 560 രൂപ കുറഞ്ഞ് 1,19,520 രൂപയുമായി.കേരളത്തിൽ തിരുവോണ ദിവസമായ ഇന്നലെ സ്വർണ വില മാറ്റമില്ലാതെ തുടരുകയായിരുന്നു. ഒരു പവൻ സ്വർണത്തിന് 1,20,080 രൂപയായിരുന്നു വില.

അന്താരാഷ്ട്ര സ്വർണ വിലയിൽ ഉണ്ടാകുന്ന ഏറ്റക്കുറച്ചിലുകളാണ് അഭ്യന്തര വിലയിലും പ്രതിഫലിക്കുന്നത്. അതേ സമയം വെള്ളി വിലയിൽ മാറ്റമില്ലാതെ തുടരുകയാണ്. ഒരു ഗ്രാം വെള്ളിക്ക് 260 രൂപയിലും 10 ഗ്രാം വെള്ളിക്ക് 2600 രൂപയിലുമാണ് വ്യാപാരം നടക്കുന്നത്.