നിഥാരി കൊലക്കേസിൽ സുപ്രീം കോടതി വെറുതെവിട്ട സുരേന്ദ്ര കോലി ജീവനൊടുക്കിയ നിലയിൽ
ഹരിദ്വാര്: രാജ്യത്തെ നടുക്കിയ നിതാരി കൊലപാതക പരമ്പര കേസില് സുപ്രീംകോടതി കുറ്റവിമുക്തനാക്കിയ സുരേന്ദ്ര കോലിയെ മരിച്ച നിലയില് കണ്ടെത്തി. ഉത്തരാഖണ്ഡിലെ ഹരിദ്വാറില് സുരേന്ദ്ര കോലി നടത്തി വന്നിരുന്ന ചായക്കടയില് തൂങ്ങി മരിച്ച നിലയില് കണ്ടെത്തുകയായിരുന്നു.
നാട്ടുകാരാണ് സരേന്ദ്രയെ തൂങ്ങി മരിച്ച നിലയില് കണ്ടെത്തിയ വിവരം പൊലീസിനെ അറിയിച്ചത്. പൊലീസ് എത്തി പരിശോധിച്ചപ്പോഴാണ് മരിച്ചത് നിതാരി കൊലപാതക പരമ്പര കേസിലെ പ്രതിയായിരുന്ന സുരേന്ദ്ര കോലിയാണെന്ന് വ്യക്തമായത്. ഏതാനും മാസങ്ങളായി ഹരിദ്വാറില് വാടകയ്ക്ക് ചായക്കട നടത്തിവരികയായിരുന്നു സുരേന്ദ്ര കോലി. ആത്മഹത്യയെന്നാണ് പൊലീസിന്റെ പ്രാഥമിക നിഗമനം. സംഭവത്തില് പൊലീസ് അന്വേഷണം ആരംഭിച്ചു.