ശക്തമായ മഴയ്ക്ക് സാധ്യത;ഇന്ന് നാല് ജില്ലകളില് യെല്ലോ അലേര്ട്ട്
സംസ്ഥാനത്ത് അടുത്ത ദിവസങ്ങളില് ശക്തമായ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് മുന്നറിയിപ്പ് നല്കി.കനത്ത മഴ തുടരുന്ന പശ്ചാത്തലത്തില് വിവിധ ജില്ലകളില് വരും ദിവസങ്ങളില് യെല്ലോ അലേർട്ട് പ്രഖ്യാപിച്ചിട്ടുണ്ട്.
ഇന്ന് പത്തനംതിട്ട, കോട്ടയം, ഇടുക്കി, എറണാകുളം എന്നീ നാല് ജില്ലകളിലാണ് മഴ മുന്നറിയിപ്പുള്ളത്. ഈ ജില്ലകളില് ജാഗ്രത പാലിക്കാൻ നിർദ്ദേശം നല്കിയിട്ടുണ്ട്. നാളെ കോട്ടയം, ഇടുക്കി, എറണാകുളം എന്നീ മൂന്ന് ജില്ലകളിലും യെല്ലോ അലേർട്ട് ബാധകമായിരിക്കും.തുടർന്ന് തിങ്കളാഴ്ചയും (21/09/2026) മഴ മുന്നറിയിപ്പ് തുടരുന്നുണ്ട്. അന്നേദിവസം കൊല്ലം, പത്തനംതിട്ട, കോട്ടയം എന്നീ ജില്ലകളിലാണ് മഞ്ഞ അലർട്ട് പ്രഖ്യാപിച്ചിട്ടുള്ളത്. പൊതുജനങ്ങള് ജാഗ്രത പാലിക്കണമെന്നും അധികൃതർ അറിയിച്ചു.