എസ്എംഎ മരുന്ന് വിവാദം; കുട്ടികൾക്ക് നൽകിയ മരുന്ന് തിരികെ വിളിച്ച് ആരോഗ്യവകുപ്പ്

തിരുവനന്തപുരം: മരുന്ന് പരീക്ഷണ വിവാദത്തിന് പിന്നാലെ എസ്എംഎ ബാധിതരായ കുട്ടികൾക്ക് നൽകിയ മരുന്ന് തിരികെ വിളിച്ച് ആരോഗ്യവകുപ്പ്. തിരുവനന്തപുരം എസ്.എ.ടി ആശുപത്രിയിൽ നിന്ന് മരുന്ന് ലഭിച്ച ആറ് കുട്ടികളുടെ രക്ഷിതാക്കളോടാണ് ഇത് തിരികെ എത്തിക്കാൻ നിർദേശിച്ചത്.

സാമ്പിൾ മരുന്നുകൾ ആയതുകൊണ്ടാണ് തിരികെ വാങ്ങുന്നതെന്നും പുതിയ മരുന്നിന്റെ സ്റ്റോക്ക് എത്തിയതിനെ തുടർന്നാണ് നടപടിയെന്നുമാണ് ആരോഗ്യവകുപ്പിന്റെ വിശദീകരണം.

മരുന്നിന്റെ ഗുണനിലവാരവുമായി ബന്ധപ്പെട്ട വിവാദങ്ങൾ ഉയർന്നതിനെ തുടർന്നാണ് ആരോഗ്യവകുപ്പിന്റെ അടിയന്തര നടപടി. എന്നാൽ, ഇന്ത്യൻ നിർമ്മിത എസ്എംഎ മരുന്ന് വിതരണം ചെയ്യാൻ ആരോഗ്യവകുപ്പിന്റെ തീരുമാനം. സ്പൈനൽ മസ്ക്കുലാർ അട്രോഫി ബാധിച്ച കുഞ്ഞുങ്ങൾക്ക് വിദേശനിർമ്മിത മരുന്ന് ആയിരുന്നു നൽകിയിരുന്നത്.

ഇതിന് 5 ലക്ഷത്തോളം രൂപയാണ് വില വരുന്നത്. ഒരു ഡോസിന് ലക്ഷക്കണക്കിന് രൂപ വില വരുന്നതിനാൽ സർക്കാരിന് വലിയ സാമ്പത്തിക ബാധ്യതയുണ്ടായിരുന്നു. ഇതിന് പകരമായാണ് ഇന്ത്യൻ നിർമിത മരുന്ന് വിതരണം ചെയ്യാൻ ആരോഗ്യവകുപ്പ് തീരുമാനിച്ചത്.