വിമാന യാത്രയ്ക്ക് ഇനി ഫിസിക്കല് ബോര്ഡിങ് പാസ് ആവശ്യമില്ല; പുതിയ നിര്ദേശം
ന്യൂഡല്ഹി: ഇന്ത്യയില് നിന്നും വിദേശത്തേക്ക് യാത്ര ചെയ്യുന്നവര്ക്ക് ആശ്വാസകരമായ പ്രഖ്യാപനവുമായി എമിഗ്രേഷന് ബ്യൂറോ. ഇന്ത്യക്കാര്ക്ക് സെപ്റ്റംബര് ഒന്നുമുതല് പേപ്പര് ബോര്ഡിങ് പാസ് നിര്ബന്ധമില്ല. ഇമിഗ്രേഷന് കൗണ്ടറുകളില് ബോര്ഡിങ് പാസില് സീല് പതിപ്പിക്കുന്ന രീതിയും ഇതോടൊപ്പം അവസാനിപ്പിക്കും. യാത്രക്കാര്ക്ക് കൂടുതല് സൗകര്യപ്രദമായ രീതിയില് ഇമിഗ്രേഷന് നടപടികള് പൂര്ത്തിയാക്കുന്നതിന്റെ ഭാഗമായാണ് മാറ്റം. അന്താരാഷ്ട്ര വിമാനത്താവള ഓപ്പറേറ്റര്മാര്ക്കും സിഐഎസ്എഫിനും ഇതുസംബന്ധിച്ച നിര്ദേശം കൈമാറി.