ഇനി ടൂര്‍ പോകാനും സ്‌കൂളില്‍ പഠിപ്പിക്കും; ടൂറിസം വകുപ്പുമായി ചേര്‍ന്ന് പദ്ധതി രൂപീകരിക്കും
യുവതലമുറയെ ടൂറിസം വൈവിധ്യത്തിലേക്ക് ക്ഷണിച്ചുകൊണ്ട് സ്കൂളുകളിൽ ടൂറിസം ക്ലബ്ബുകൾ വരുന്നു. കേന്ദ്ര ടൂറിസം മന്ത്രാലയം ആരംഭിച്ച പദ്ധതിയുമായി സഹകരിക്കാനാണ് സിബിഎസ്ഇയുടെ തീരുമാനം.
പുതിയ അധ്യയന വർഷത്തിൽ സ്കൂളുകളിൽ പരമാവധി സി.ബി.എസ്.ഇ ടൂറിസം ക്ലബ്ബുകൾ രൂപീകരിക്കും. പാഠ്യപദ്ധതിയുടെ ഭാഗമായി വിവിധ ക്ലബ്ബുകൾക്ക് പ്രവർത്തിക്കാൻ കഴിയുമെന്ന വസ്തുത മുതലെടുത്ത് ടൂറിസം മേഖലയ്ക്ക് പ്രാധാന്യം നൽകാനാണ് പദ്ധതി നടപ്പാക്കുന്നത്.
ഏഴ് മുതൽ 12 വരെ ക്ലാസുകളിലെ കുട്ടികളെ ഉൾപ്പെടുത്തി ക്ലബ്ബുകൾ വഴി ടൂറിസം പ്രോത്സാഹന പരിപാടികൾ സംഘടിപ്പിക്കും. ആഴ്ചയിൽ ഒരിക്കലെങ്കിലും, ടൂറിസവുമായി ബന്ധപ്പെട്ട ഒരു ഇവൻറ് ക്ലബ് ഏറ്റെടുക്കും. അധ്യാപകരും രക്ഷിതാക്കളും അടങ്ങുന്ന സമിതിയുടെ നിയന്ത്രണത്തിൽ യാത്ര ചെയ്യാനും അനുവാദമുണ്ട്.
