കെ. ശിവദാസന്‍ നായരുടെ സസ്‌പെന്‍ഷന്‍ റദ്ദാക്കി
മുന്‍ എംഎല്‍എയും മുതിര്‍ന്ന കോണ്‍ഗ്രസ് നേതാവുമായ കെ. ശിവദാസന്‍ നായരുടെ സസ്‌പെന്‍ഷന്‍ റദ്ദാക്കി കോണ്‍ഗ്രസ് നേതൃത്വം. ശിവദാസന്‍ നായര്‍ ഖേദപ്രകടനം നടത്തിയ സാഹചര്യത്തിലാണ് സസ്‌പെന്‍ഷന്‍ പിന്‍വലിച്ചത്. ശിവദാസന്‍ നായരെ പാര്‍ട്ടിയില്‍ തിരികെ എടുക്കാനും കെപിസിസി തീരുമാനിച്ചു.
ഡിസിസി പ്രസിഡന്റുമാരുടെ പുതിയ പട്ടിക പുറത്ത് വന്നതിന് പിന്നാലെ നേതൃത്വത്തെ വിമര്‍ശിച്ച് കെ. ശിവദാസന്‍ നിയര്‍ രംഗത്തെത്തിയിരുന്നു. ഇതേ തുടര്‍ന്ന് കോണ്‍ഗ്രസ് നേതൃത്വം ശിവദാസന്‍ നായരെ ആറു മാസത്തേക്ക് സസ്‌പെന്‍ഡ് ചെയ്യുകയായിരുന്നു.
