സ്വാതന്ത്ര്യദിനത്തില്‍ കൊച്ചി മെട്രോയിൽ ഏത് സ്റ്റേഷനിലേക്കും 10 രൂപ മാത്രം
കൊച്ചി: ആസാദി കാ അമൃത് മഹോത്സവത്തിന്‍റെ ഭാഗമായി ഓഗസ്റ്റ് 15ന് കൊച്ചി മെട്രോ യാത്രക്കാർക്കായി ‘ഫ്രീഡം ടു ട്രാവൽ ഓഫർ’ ആരംഭിച്ചു. 15ന് 10 രൂപയ്ക്ക് കൊച്ചി മെട്രോയിൽ യാത്ര ചെയ്യാം. തിങ്കളാഴ്ച്ച രാവിലെ 6 മണി മുതല്‍ രാത്രി പതിനൊന്ന് മണി വരെ ഏത് സ്റ്റേഷനിലേക്കുമുള്ള ഏത് ടിക്കറ്റിനും പത്ത് രൂപ നല്‍കിയാല്‍ മതിയാകും. ക്യുആർ ടിക്കറ്റുകൾക്കും കൊച്ചി വൺ കാർഡ് ഉപയോഗിക്കുന്നവർക്കും ഈ കിഴിവ് ലഭിക്കും.
