പ്രശസ്ത നടി ഹൻസിക മോട്‌വാനി വിവാഹിതയാവുന്നു
നടി ഹൻസിക മോട്‌വാനി വിവാഹിതയാകുന്നു. ജയ്പൂരിൽ വച്ച് ഈ വർഷം ഡിസംബറിൽ വിവാഹം നടന്നേക്കും. ജയ്പൂരിലെ 450 വർഷം പഴക്കമുള്ള കൊട്ടാരമാണ് വിവാഹ വേദി. രാജകീയമായ രീതിയിലാകും വിവാഹം നടക്കുക.
എന്നാൽ വരന്‍റെ പേരോ മറ്റ് വിശദാംശങ്ങളോ പുറത്തുവിട്ടിട്ടില്ല. താര വിവാഹത്തിനുള്ള ഒരുക്കങ്ങൾ കൊട്ടാരത്തിൽ പുരോഗമിക്കുകയാണ്. അതേസമയം, വിവാഹത്തെക്കുറിച്ച് നടിയോ അടുത്ത വൃത്തങ്ങളോ പ്രതികരിച്ചിട്ടില്ല.
ദേശമുദുരു എന്ന തെലുങ്ക് ചിത്രത്തിലൂടെയാണ് ഹൻസിക അഭിനയരംഗത്ത് അരങ്ങേറ്റം കുറിച്ചത്. പിന്നീട് ഹിന്ദി സിനിമകളിലും അഭിനയിച്ചു. എന്നിരുന്നാലും, ഹിമേഷ് രേഷാമിയ അഭിനയിച്ച ആപ്ക സുരൂർ എന്ന ചിത്രത്തിലൂടെയാണ് പ്രേക്ഷക ശ്രദ്ധ നേടിയത്. 2008 ൽ കന്നഡയിലും നായികയായി അഭിനയിച്ചു. തമിഴ്, തെലുങ്ക് സിനിമകളിൽ സജീവമാണ് നടി.
