റിപ്പോര്ട്ടര് ചാനലിനെതിരേ ഇഡി അന്വേഷണം
റിപ്പോര്ട്ടര് ചാനലിനെതിരേ ഇഡി അന്വേഷണം ആരംഭിച്ചെന്ന് കെപിസിസി അധ്യക്ഷന് കെ സുധാകരന് എംപി പ്രസ്താവനയില് പറഞ്ഞു. എട്ടുകോടി രൂപയുടെ ഈട്ടി അനധികൃതമായി വെട്ടിവിറ്റ മുട്ടില് മരംമുറി കേസില് എന്ഫോഴ്സ്മെന്റ് കള്ളപ്പണം വെളുപ്പിക്കല് നിയമപ്രകാരം റിപ്പോര്ട്ടര് ചാനല്മേധവികള്ക്കെതിരെ അന്വേഷണം നടന്നുവരുന്നതായി കേന്ദ്രമന്ത്രി റാവു ഇന്ദര്ജിത് സിംഗ് അറിയിച്ചെന്ന് സുധാകരന് പറഞ്ഞു.
റിപ്പോര്ട്ടര് ചാനലിന്റെ ഓണര്ഷിപ്പ് ട്രാന്സ്ഫര് സംബന്ധിച്ച് ആക്ഷേപങ്ങള്ക്ക് ബന്ധപ്പെട്ട കമ്പനി അധികൃതരില് നിന്നും രജിസ്ട്രാര് ഓഫ് കമ്പനീസ് വിവരങ്ങള് തേടിയിട്ടുണ്ട്. പഴയ റിപ്പോര്ട്ടര് ചാനലിന്റെ ടെലികാസ്റ്റിംഗ് ലൈസന്സ് ഇന്ത്യോ ഏഷ്യന് ന്യൂസ് ചാനല് പ്രൈവറ്റ് ലിമിറ്റഡ് എന്നപേരിലാണ്. എന്നാല് ഉടമസ്ഥാവകാശം കൈമാറ്റം ചെയ്യപ്പെട്ട ശേഷം റിപ്പോര്ട്ടര് എന്ന പേരില് പുനഃസംപ്രേഷണം ആരംഭിച്ച ഈ കമ്പനിക്ക് ഇന്ത്യോ ഏഷ്യന് ന്യൂസ് ചാനല് പ്രൈവറ്റ് ലിമിറ്റഡ് ടെലികാസ്റ്റിംഗ് ലൈസന്സ് കൈമാറിയിട്ടുണ്ടോ എന്നത് സംബന്ധിച്ച് അവ്യക്തയുണ്ട്. ഇക്കാര്യങ്ങള് വ്യക്തമാക്കാന് പുതിയ ഉടമസ്ഥരോട് കോര്പറേറ്റ് മന്ത്രാലായം ആവശ്യപ്പെട്ടിട്ടുണ്ട്.