മുണ്ടത്തിക്കോട് വെടിക്കെട്ട് അപകടത്തില് കാണാതായ ഗിരീഷിന്റെ അമ്മ മരിച്ചു
തൃശൂർ വെടിക്കെട്ട് പുര അപകടത്തില് കാണാതായ തൃശൂര് സ്വദേശി ഗിരിയുടെ അമ്മ ഗൗരി (74) മരിച്ചു.പക്ഷാഘാതത്തെ തുടര്ന്ന് ചികിത്സയിലായിരുന്ന ഗൗരി വെടിക്കെട്ട് അപകടം നടന്നതിന്റെ തലേദിവസമാണ് ഡിസ്ചാര്ജ് വാങ്ങി വീട്ടിലേക്ക് വന്നത്.
ഗിരിയെ കാണാതായതിനെ തുടര്ന്ന് മാനസിക വിഷമത്തില് ആയിരുന്നു ഗൗരി. പരേതനായ മോഹനനാണ് ഭര്ത്താവ്. ഇന്ന് വൈകിട്ട് മൂന്ന് മണിക്ക് പാറമേക്കാവ് ശാന്തി ഘട്ടില് സംസ്കാരം നടക്കും.അതേസമയം പാറമേക്കാവിന്റെ പടക്കനിര്മാണശാല ഉടമയ്ക്കെതിരെ കേസ്. മുതലമട വെള്ളാരംകടവിലെ പടക്കനിര്മാണശാലയുടെ ലൈസന്സിയായ കോട്ടയം സ്വദേശി ബിനോയ് ജേക്കബിനെതിരെയാണ് കൊല്ലങ്കോട് പൊലീസ് കേസെടുത്തത്.
ലൈസന്സില് അനുവദിച്ചതിനെക്കാള് കൂടുതല് പടക്കങ്ങളും വെടിമരുന്നും സൂക്ഷിക്കുന്നതായി ചിറ്റൂര് തഹസില്ദാര് അറിയിച്ചു. ചിറ്റൂര് ഡിവൈഎസ്പിക്ക് നല്കിയ റിപ്പോര്ട്ടിന്റെ അടിസ്ഥാനത്തിലാണ് കേസ്. നിലവില് പടക്കനിര്മാണശാല പൊലീസ് സീല് ചെയ്തിട്ടുണ്ട്. തുടര്പരിശോധനകള് നടത്തുമെന്ന് പാലക്കാട് ജില്ലാ കളക്ടര് അറിയിച്ചു