ഇരട്ട ചക്രവാതച്ചുഴി: കണ്ണൂരിൽ ഓറഞ്ച് അലര്ട്ട്
കണ്ണൂർ: ഇരട്ട ചക്രവാത ചുഴിയുടെ സ്വാധീന ഫലമായി സംസ്ഥാനത്ത് ഇന്ന് ഒറ്റപ്പെട്ട സ്ഥലങ്ങളില് തീവ്രമഴയ്ക്ക് സാധ്യതയുണ്ട്.
കോഴിക്കോട്, പത്തനംതിട്ട, ആലപ്പുഴ, കോട്ടയം, കണ്ണൂര്, വയനാട്, കാസര്കോട് എന്നീ ജില്ലകളിലാണ് ഇന്ന് തീവ്രമഴ മുന്നറിയിപ്പ്. ജാഗ്രതയുടെ ഭാഗമായി ഈ ജില്ലകളില് കാലാവസ്ഥ വകുപ്പ് ഓറഞ്ച് അലര്ട്ട് പ്രഖ്യാപിച്ചു.
തിരുവനന്തപുരം, പാലക്കാട്, എറണാകുളം, ഇടുക്കി, തൃശൂര്, മലപ്പുറം, കൊല്ലം ജില്ലകളില് യെല്ലോ അലര്ട്ട് പ്രഖ്യാപിച്ചു.
ഗംഗാതീര പശ്ചിമ ബംഗാളിനും ബംഗ്ലാദേശിനും മുകളിലും തെക്ക് കിഴക്കന് ബംഗാള് ഉള്ക്കടലിന് മുകളിലുമായി ചക്രവാത ചുഴികൾ സ്ഥിതി ചെയ്യുന്നുണ്ട്. ഇതിന്റെയെല്ലാം സ്വാധീന ഫലമായാണ് മഴ ലഭിക്കുന്നത്.