കാലവര്ഷം ദുര്ബലമാകുന്നു; ഇന്ന് മൂന്ന് ജില്ലകളില് മാത്രം മഴ മുന്നറിയിപ്പ്
തിരുവനന്തപുരം: സംസ്ഥാനത്ത് കാലവര്ഷം ദുര്ബലമാകുന്നു. ഇന്ന് മൂന്ന് ജില്ലകളില് മാത്രമാണ് മഴ മുന്നറിയിപ്പുള്ളത്. കാസര്കോട്, കണ്ണൂര്, കോഴിക്കോട് ജില്ലകളില് ആണ് മഴ മുന്നറിയിപ്പുള്ളത്. മൂന്ന് ജില്ലകളിലും യെല്ലോ അലേര്ട്ടാണ് പ്രഖ്യാപിച്ചിരിക്കുന്നത്.
നാളെ നാല് ജില്ലകളിലും യെല്ലോ അലേര്ട്ട് പ്രഖ്യാപിച്ചിട്ടുണ്ട്. എറണാകുളം, ഇടുക്കി, കോട്ടയം, പത്തംതിട്ട ജില്ലകളിലാണ് നാളെ യെല്ലോ അലേര്ട്ട് പ്രഖ്യാപിച്ചിരിക്കുന്നത്. മറ്റന്നാള് മുതല് സംസ്ഥാനത്ത് മഴമുന്നറിയിപ്പില്ല.
അതേസമയം കേരള, ലക്ഷദ്വീപ്, കര്ണാടക തീരങ്ങളില് നിന്ന് മത്സ്യബന്ധനത്തിന് വിലക്കേര്പ്പെടുത്തിയിട്ടുണ്ട്. ഉയര്ന്ന തിരമാലയ്ക്കും കടലാക്രമണത്തിനും സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു. മണിക്കൂറില് 60 കിലോമീറ്റര് വരെ വേഗത്തില് കാറ്റിനും സാധ്യതയുണ്ട്.