മുണ്ടത്തിക്കോട് സ്ഫോടനം; മരിച്ചവരുടെ കുടുംബത്തിന് 14 ലക്ഷംരൂപ ധനസഹായം പ്രഖ്യാപിച്ചു
തൃശൂർ: മുണ്ടത്തിക്കോട് സ്ഫോടനത്തില് മരിച്ചവരുടെ കുടുംബത്തിന് 14 ലക്ഷം രൂപ പ്രഖ്യാപിച്ച് സംസ്ഥാന സര്ക്കാര്.സിഎംഡിആര്എഫില് നിന്നും 10 ലക്ഷം രൂപ വീതവും എസ്ഡിആര്എഫില് നിന്നും 4 ലക്ഷം രൂപ വീതവും നല്കാനാണ് തീരുമാനം. പരിക്കേറ്റവര്ക്ക് രണ്ട് ലക്ഷം രൂപ വീതം നല്കും. പരിക്കേറ്റവര്ക്ക് സൗജന്യ ചികിത്സ ഉറപ്പാക്കുമെന്നും മന്ത്രിസഭാ യോഗത്തില് തീരുമാനമായി. ദുരന്തത്തില് ജുഡീഷ്യല് അന്വേഷണം പ്രഖ്യാപിച്ചു.
ദുരന്തം സംബന്ധിച്ച് 9 മൃതദേഹങ്ങളാണ് മോര്ച്ചറിയിലുള്ളത്. ആറ് മൃതദേഹങ്ങള് തിരിച്ചറിഞ്ഞു. അതേസമയം പൂരം നടത്തിപ്പ് സംബന്ധിച്ച തീരുമാനം നാളെ ചേരുന്ന അവലോകന യോഗത്തില് ചര്ച്ച ചെയ്യുമെന്ന് ദേവസ്വം മന്ത്രി വി എന് വാസവന് പറഞ്ഞു. തിരുവമ്പാടി, പാറമേക്കാവ് ദേവസ്വം ഭാരവാഹികളും ജില്ലാ ഭാരവാഹികളും ഉദ്യോഗസ്ഥരും ചേര്ന്ന അവലോകന യോഗം നാളെ രാവിലെ 10.30ന് ചേരുമെന്നും ഇതിനായി ഹൈക്കോടതി അനുമതി നല്കിയെന്നും വി എന് വാസവന് പറഞ്ഞു.