കോവിഡ് ബാധിതരുടെ എണ്ണത്തിൽ വർധന: ഒരാഴ്ചക്കിടെ രണ്ട് മരണം
സംസ്ഥാനത്ത് കോവിഡ് ബാധിതരുടെ എണ്ണത്തിൽ വർധന. നിലവിൽ 430 പേർക്ക് കോവിഡ് ബാധയുണ്ട്. കഴിഞ്ഞ തിങ്കളാഴ്ച 335 പേർക്ക് രോഗബാധയും ഒരാഴ്ചയ്ക്കിടെ രണ്ട് കോവിഡ് മരണവും റിപ്പോര്ട്ട് ചെയ്തിട്ടുണ്ട്. കോട്ടയം, തിരുവനന്തപുരം, എറണാകുളം, പത്തനംതിട്ട, തൃശ്ശൂര് ജില്ലകളിലാണ് രോഗബാധിതർ കൂടുതൽ. കൊല്ലം, തിരുവനന്തപുരം ജില്ലകളിലാണ് കഴിഞ്ഞയാഴ്ച കോവിഡ് മരണം റിപ്പോര്ട്ട് ചെയ്തത്.
രാജ്യത്ത് ഏറ്റവും കൂടുതല് കോവിഡ് ബാധിതരുള്ളത് കേരളത്തിലാണ്. മഹാരാഷ്ട്ര (209), ഡല്ഹി (104), ഗുജറാത്ത് (83), തമിഴ്നാട് (69), കര്ണാടക (47) എന്നിവിടങ്ങളിലും കോവിഡ് പടരുന്നതായി കേന്ദ്ര ആരോഗ്യ മന്ത്രാലയം വിലയിരുത്തുന്നുണ്ട്. ദക്ഷിണപൂര്വേഷ്യന് രാജ്യങ്ങളില് രോഗം പടരുന്ന സാഹചര്യത്തില് സംസ്ഥാനത്ത് നിരീക്ഷണം ശക്തമാക്കി. ജലദോഷം, തൊണ്ടവേദന, ചുമ, ശ്വാസതടസം തുടങ്ങിയ ലക്ഷണങ്ങള് ഉള്ളവര് നിര്ബന്ധമായും മാസ്ക് ധരിക്കണമെന്ന് ആരോഗ്യ വകുപ്പ് നിര്ദേശിച്ചിട്ടുണ്ട്.