പൊതുവേദിയിലും രോഗികളുടെ മുന്നിലും വെച്ച് അധ്യാപകര് നിരന്തരം അപമാനിക്കുന്നു,രണ്ട് അധ്യാപകര്ക്ക് സ്ഥലംമാറ്റം
കോഴിക്കോട്.മാനസികമായി പീഡിപ്പിക്കുന്നുവെന്ന പി ജി വിദ്യാര്ത്ഥികളുടെ പരാതിയില് കോഴിക്കോട് മെഡിക്കല് കോളേജിലെ രണ്ട് അധ്യാപകര്ക്ക് സ്ഥലംമാറ്റം.ഡോ. അനിതാ കുമാരി, ഡോ. സിഐ സ്മിത എന്നിവര്ക്കെതിരെയാണ് നടപടി. പ്രത്യേക അന്വേഷണ കമ്മീഷന്റെ കണ്ടെത്തലിലാണ് നടപടി.
മെഡിക്കല് പി ജി വിദ്യാര്ത്ഥികളായ 12 പേരായിരുന്നു പരാതിക്കാര്. അധ്യാപികമാര്ക്കെതിരെ അടിയന്തര നടപടി സ്വീകരിക്കണമെന്നും പരാതിക്കാര് ആവശ്യപ്പെട്ടിരുന്നു.
പൊതുവേദിയിലും രോഗികളുടെ മുന്നിലും വെച്ച് അധ്യാപകര് നിരന്തരം അപമാനിച്ചുവെന്നായിരുന്നു വിദ്യാര്ത്ഥികളുടെ പരാതി. മെഡിക്കല് കോളേജ് പ്രിന്സിപ്പലിനും പി ജി ഗ്രീവന്സ് സെല്ലിനുമായിരുന്നു വിദ്യാര്ത്ഥികള് പരാതി നല്കിയത്. അവഹേളനവും പരസ്യഅധിക്ഷേപവും മാസങ്ങളായി തുടരുന്നുണ്ടെന്നും മാനസിക പീഡനത്തെ തുടര്ന്ന് ചില വിദ്യാര്ത്ഥികള് വിഷാദ രോഗത്തിലായെന്നും പരാതിയില് ആരോപിച്ചിരുന്നു.