12 വയസുകാരിയെ കൂട്ടബലാത്സംഗം ചെയ്തു കൊലപ്പെടുത്തിയ പ്രതി പൊലീസ് വെടിവെപ്പില് കൊല്ലപ്പെട്ടു
ബാരൂയിപൂരില് 12 വയസുകാരിയെ കൂട്ടബലാത്സംഗം ചെയ്തു കൊലപ്പെടുത്തിയ കേസിലെ മുഖ്യപ്രതി പൊലീസ് വെടിവെപ്പില് കൊല്ലപ്പെട്ടു.ചൊവ്വാഴ്ച പുലർച്ചെ തെളിവെടുപ്പിനായി കൊണ്ടുപോകുന്നതിനിടെ പൊലീസിനെ ആക്രമിച്ച് രക്ഷപ്പെടാൻ ശ്രമിച്ച പ്രഭാഷ് മണ്ഡലിനെയാണ് പൊലീസ് വെടിവെച്ചു വീഴ്ത്തിയത്. സൂര്യപൂർ ഹാട്ട് പ്രദേശത്ത് തെളിവെടുപ്പിനെത്തിച്ച പ്രതി, ഉദ്യോഗസ്ഥന്റെ കൈവശമുണ്ടായിരുന്ന തോക്ക് തട്ടിയെടുത്ത് വെടിയുതിർക്കുകയായിരുന്നു.
തുടർന്ന് നടന്ന ഏറ്റുമുട്ടലില് പ്രതിക്ക് ഗുരുതരമായി പരിക്കേറ്റു. ഉടൻ തന്നെ ആശുപത്രിയില് എത്തിച്ചെങ്കിലും മരണം സംഭവിക്കുകയായിരുന്നു. ജൂലൈ നാലിന് കാണാതായ പെണ്കുട്ടിയുടെ മൃതദേഹം തൊട്ടടുത്ത ദിവസം ചാക്കില് കെട്ടിയ നിലയില് കണ്ടെത്തുകയായിരുന്നു.