മീന് ഫ്രൈയില് ചത്ത അട്ട’; കാന്റീന് കോര്പ്പറേഷന് പൂട്ടിച്ചു
തിരുവനന്തപുരം: തിരുവനന്തപുരത്ത് പൊലീസ് കാന്റീന് പൂട്ടിച്ച് കോര്പ്പറേഷന്. കന്റോണ്മെന്റ് പൊലീസ് കാന്റീനാണ് കോര്പ്പറേഷന് പൂട്ടിയത്. മീന് ഫ്രൈയില് ചത്ത അട്ടയെ കണ്ടെത്തിയതിനെ തുടര്ന്നാണ് നടപടി.
ചൊവ്വാഴ്ച്ച ഉച്ചയ്ക്ക് പൊലീസുകാരന് വാങ്ങിയ പാഴ്സലിലാണ് ചത്ത അട്ടയെ കണ്ടത്. കാന്റീന് വൃത്തിഹീനമായ സാഹചര്യത്തിലാണ് പ്രവര്ത്തിച്ചിരുന്നതെന്ന് കണ്ടെത്തി. കരാറുകാരോട് നേരിട്ട് ഹാജരാകാന് കോർപ്പറേഷൻ നിര്ദേശം നൽകി. കാന്റീനിലെ ഭക്ഷണത്തെക്കുറിച്ച് നേരത്തെയും പരാതികളുയര്ന്നിരുന്നു. എന്നാൽ കാന്റീന് പൊലീസുകാരുടെ ഏക ആശ്രയമായതിനാല് പലരും പരാതി പറയാന് മടിക്കുകയായിരുന്നു.