മുന് ഇന്ത്യന് ക്രിക്കറ്റ് താരം ശ്രീശാന്തിന്റെ പിതാവ് വി ശാന്തകുമാരന് നായര് അന്തരിച്ചു
കൊച്ചി: മുന് ഇന്ത്യന് ക്രിക്കറ്റ് താരം എസ് ശ്രീശാന്തിന്റെ പിതാവ് വി. ശാന്തകുമാരന് നായര് (89) അന്തരിച്ചു. കൊച്ചിയിലെ ലിസി ആശുപത്രിയില് ചികിത്സയില് ആയിരുന്നു. ഇന്നലെ രാത്രി 9.44നായിരുന്നു മരണം. കോതമംഗലം മാതിരപ്പിള്ളിയിലെ അമ്പാട്ട് കുന്നേല് തറവാട് സ്വദേശിയായിരുന്നു ശാന്തകുമാരന് നായര്.
നിലവില് മൃതദേഹം ആശുപത്രി മോര്ച്ചറിയില് സൂക്ഷിച്ചിരിക്കുകയാണ്. വിദേശത്തുള്ള ബന്ധുക്കള് എത്തിയ ശേഷം ഞായറാഴ്ച കോതമംഗലത്തെ കുടുംബവീട്ടിലേക്ക് മൃതദേഹം എത്തിക്കും.