സൗജന്യ പാല് പരിശോധന ക്യാമ്പ് 16 മുതല്
ക്ഷീര വികസന വകുപ്പിന്റെ നേതൃത്വത്തില് സൗജന്യ പാല് പരിശോധന ക്യാമ്പ് സംഘടിപ്പിക്കുന്നു. ആഗസ്ത് 16 മുതല് 20 വരെ ക്വാളിറ്റി കണ്ട്രോള് ലാബില് പരിശോധന നടത്താം. ഓണക്കാലത്ത് ഗുണനിലവാരമില്ലാത്തതും മായം കലര്ന്നതുമായ പാലിന്റെ വിപണനം തടയുകയാണ് ലക്ഷ്യം. ഇതുവഴി കര്ഷകര്ക്ക് ഉല്പാദിപ്പിക്കുന്ന പാലും ഉപഭോക്താക്കള്ക്ക് വാങ്ങുന്ന പാലും പരിശോധിക്കാം. പരിശോധനക്ക് വരുന്നവര് 200 മില്ലി ലിറ്റര് പാല് കൊണ്ടുവരണമെന്ന് ക്ഷീരവികസന വകുപ്പ് ക്വാളിറ്റി കണ്ട്രോള് ഓഫീസര് അറിയിച്ചു.