സംഘടനയെ തകര്ക്കാന് ശ്രമിച്ചു; അന്സിബയ്ക്ക് AMMAയുടെ കാരണം കാണിക്കല് നോട്ടീസ്
നടി അന്സിബയ്ക്ക് സംഘടന കാരണം കാണിക്കല് നോട്ടീസ് നല്കി. മാധ്യമങ്ങള്ക്ക് അഭിമുഖം നല്കി അന്സിബ സംഘടനയെ തകര്ക്കാന് ശ്രമിച്ചെന്നും ഇതില് വ്യക്തമായ വിശദീകരണം നല്കിയില്ലെങ്കില് സംഘടന അടുത്ത നടപടികളിലേക്ക് കടക്കുമെന്നുമാണ് താക്കീത്. ജൂണ് 17ാം തീയതിക്ക് മുന്പ് മറുപടി നല്കണമെന്നാണ് അറിയിച്ചിരിക്കുന്നത്.
പൊതുജനങ്ങള്ക്ക് മുന്നില് താരസംഘടനയുടെ പ്രതിച്ഛായ കളങ്കപ്പെടുത്താനാണ് അന്സിബ ശ്രമിച്ചതെന്നാണ് എക്സിക്യൂട്ടീവ് കമ്മിറ്റി നിരീക്ഷണമെന്ന് കാരണം കാണിക്കല് നോട്ടീസില് ചൂണ്ടിക്കാട്ടുന്നു. ഇത് സംഘടനയുടെ സുഗമമായ നടത്തിപ്പിന് തടസ്സമുണ്ടാക്കിയെന്നും പൊതുജനങ്ങള്ക്ക് മുന്നില് അമ്മയുടെ സല്ക്കീര്ത്തിയും ജനപ്രീതിയും ഇടിയാന് കാരണമായെന്നും എക്സിക്യൂട്ടീവ് കമ്മിറ്റി നിരീക്ഷിച്ചു.