സീബ്രാലൈനിൽ തടസ്സമായി സ്വകര്യ ബസ്സ് നിർത്തി; കോഴിക്കോട് റോഡ് മുറിച്ചുകടക്കുന്നതിനിടെ വീട്ടമ്മയെ ട്രാവലര് വാൻ ഇടിച്ചുതെറിപ്പിച്ചു
കോഴിക്കോട് അരിക്കുളം കുരുടിമുക്കില് റോഡ് മുറിച്ചുകടക്കുന്നതിനിടെ വീട്ടമ്മയെ ട്രാവലർ വാൻ ഇടിച്ചുതെറിപ്പിച്ചു.കുരുടിമുക്കില് ശനി രാവിലെ 9 മണിയോടെയായിരുന്നു അപകടം.
കുരുടിമുക്ക് ജംക്ഷനില് സീബ്രാ ലൈനിന് സമീപം ആയിരുന്നു സംഭവം. സീബ്രാ ലൈനില് നിർത്തിയിട്ട സ്വകാര്യ ബസിനു മുന്നിലൂടെ റോഡ് ക്രോസ് ചെയ്യുമ്പോഴാണ് അപകടം നടന്നത്. പരിക്കേറ്റ സുബൈദയെ കോഴിക്കോട് മെഡിക്കല് കോളജ് ആശുപത്രിയിലേക്ക് മാറ്റി.
കാല്നടയാത്രക്കാർക്ക് റോഡ് മുറിച്ചുകടക്കാൻ നീക്കിവെച്ചിട്ടുള്ള സീബ്രാലൈനില് നിയമം തെറ്റിച്ച് ബസ് നിർത്തിയിട്ടതാണ് അപകടത്തിന് കാരണമെന്ന് നാട്ടുകാർ ആരോപിച്ചു. റോഡ് മുറിച്ചുകടക്കുന്നവർക്ക് മുൻഗണന നല്കേണ്ട സീബ്രാലൈനില് ബസ് തടസ്സമായി നിർത്തിയതോടെ, മറുവശത്തുനിന്ന് വന്ന ട്രാവലർ, റോഡ് മുറിച്ചുകടക്കുകയായിരുന്ന യുവതിയുടെ ശ്രദ്ധയില്പ്പെട്ടില്ല.ബസിന് മുന്നിലൂടെ നടന്നു നീങ്ങിയ യുവതിയെ തൊട്ടടുത്ത ട്രാക്കിലൂടെയെത്തിയ ട്രാവലർ ഇടിച്ചു വീഴ്ത്തുകയായിരുന്നു. അപകടം കണ്ടയുടൻ സമീപത്തുണ്ടായിരുന്ന നാട്ടുകാരും വ്യാപാരികളും ഓടിയെത്തി യുവതിയെ ആശുപത്രിയിലേക്ക് മാറ്റി