തിരുവനന്തപുരം മെഡിക്കല്‍ കോളജിൽ ശസ്ത്രക്രിയ വൈകി, രോഗി മരിച്ചു
തിരുവനന്തപുരം: വൃക്ക മാറ്റിവച്ച രോഗി തിരുവനന്തപുരം മെഡിക്കൽ കോളേജ് ആശുപത്രിയിൽ മരിച്ചു. ഇന്നലെ രാജഗിരി ആശുപത്രിയിൽ നിന്ന് കൊണ്ടുവന്ന വൃക്ക മാറ്റിവെച്ച രോഗിയാണ് മരിച്ചത്. ഡോക്ടർമാരുടെ ഭാഗത്തുനിന്നുണ്ടായ ഗുരുതരമായ അനാസ്ഥയാണ് ശസ്ത്രക്രിയ വൈകാൻ കാരണം. പൊലീസ് അകമ്പടിയോടെയാണ് വൃക്ക എത്തിച്ചതെങ്കിലും ശസ്ത്രക്രിയയ്ക്ക് ആവശ്യമായ തയ്യാറെടുപ്പുകൾ നടത്താത്തതിനാൽ ശസ്ത്രക്രിയ നാല് മണിക്കൂറോളം വൈകി. എറണാകുളം രാജഗിരി ആശുപത്രിയിൽ ചികിത്സയിലായിരുന്ന മസ്തിഷ്ക മരണം സംഭവിച്ച 34കാരന്റെ വൃക്ക തിരുവനന്തപുരം മെഡിക്കൽ കോളേജിൽ എത്തിച്ചു. മൂന്ന് മണിക്കൂറിനുള്ളിൽ എറണാകുളത്ത് നിന്ന് ആംബുലൻസ് മാറ്റിവയ്ക്കാനുള്ള വൃക്കയുമായി മെഡിക്കൽ കോളേജിലെത്തി. പൊലീസിന്റെ സഹായത്തോടെ എറണാകുളത്ത് നിന്ന് എത്തിയെങ്കിലും തിരുവനന്തപുരം മെഡിക്കൽ കോളേജിൽ എത്തിയപ്പോൾ ആരും അറിഞ്ഞില്ല. ഓപ്പറേഷനെക്കുറിച്ച് ആശുപത്രി അധികൃതർക്ക് അറിയാമായിരുന്നിട്ടും സെക്യൂരിറ്റിയെ അറിയിച്ചില്ല. അവയവവുമായി എത്തിയവരെ എങ്ങനെ സഹായിക്കാമെന്ന കാര്യത്തിൽ ആശയക്കുഴപ്പമുണ്ടായിരുന്നു. ഒടുവിൽ മണിക്കൂറുകൾക്ക് ശേഷമാണ് ശസ്ത്രക്രിയ ആരംഭിച്ചത്. വൃക്ക പോലുള്ള നിർണായക അവയവങ്ങൾ മാറ്റിവയ്ക്കുമ്പോൾ, അത് എത്ര നേരത്തെ വെക്കാൻ കഴിയുമോ അത്രയും കാര്യക്ഷമമായി പ്രവർത്തിക്കും. എന്നാൽ ഇവിടത്തെ ഉദാസീനത കാരണം രോഗിക്ക് വിലപ്പെട്ട സമയം നഷ്ടമായി. വൃക്ക മാറ്റിവയ്ക്കൽ ശസ്ത്രക്രിയയ്ക്ക് മുമ്പ് രോഗിക്ക് ഡയാലിസിസിന് വിധേയനാകേണ്ടി വന്നെന്നും ഇതേതുടർന്നാണ് ശസ്ത്രക്രിയ വൈകിയതെന്ന് ആശുപത്രി അധികൃതർ പറഞ്ഞു.
