ഭര്ത്താവിനൊപ്പം കുളിക്കാന് എത്തിയ യുവതി നെയ്യാര് ഡാമില് മുങ്ങി മരിച്ചു
തി രുവനന്തപുരം: നെയ്യാര് ഡാമില് യുവതിയെ മുങ്ങി മരിച്ച നിലയില് കണ്ടെത്തി. ഭര്ത്താവിനൊപ്പം കുളിക്കാന് എത്തിയ പന്ത കാഞ്ചിമൂട് നിതിന് ഭവനില് നിതിന്റെ ഭാര്യ സിമി (24) ആണ് മരണപ്പെട്ടത്.ഇന്നലെ ഉച്ചയ്ക്ക് 12 മണിയോടെയാണ് ഈ സംഭവം ഉണ്ടായത്.
നെയ്യാർ ഡാമിനടുത്തുള്ള വീട്ടില് നിന്നും നിതിനൊപ്പം നെയ്യാര് ജലസംഭരണിയില് കുളിക്കാന് എത്തിയതായിരുന്നു സിമി. ഇതിനിടെ സോപ്പ് എടുക്കാന് മറന്നുപോയതിനാല് നിതിൻ തിരികെ വീട്ടിലേക്ക് പോയി. തിരിച്ചെത്തിയപ്പോള് സിമിയെ കാണാൻ കഴിഞ്ഞില്ലെന്നാണ് നിതിൻ പൊലീസിനോട് പറഞ്ഞത്. തുടർന്ന് നടത്തിയ തിരച്ചിലില് നെയ്യാർ ഡാമിന് സമീപത്ത് വീണ് കിടക്കുന്ന നിലയില് സിമിയെ കണ്ടെത്തുകയായിരുന്നു.
യുവതിയെ ഉടൻ കാട്ടാക്കടയിലെ സ്വകാര്യ ആശുപത്രിയില് എത്തിച്ചെങ്കിലും അപ്പോഴേക്കും മരണം സംഭവിച്ചിരുന്നു. സിമിയുടെ അസ്വാഭാവിക മരണത്തില് നെയ്യാർ ഡാം പൊലീസ് കേസ് രജിസ്റ്റർ ചെയ്തിട്ടുണ്ട്. സംഭവവുമായി ബന്ധപ്പെട്ട് അന്വേഷണം തുടങ്ങിയെന്ന് പൊലീസ് അറിയിച്ചു. പോസ്റ്റുമോർട്ടം റിപ്പോർട്ടില് യുവതിയുടെ മരണകാരണം സംബന്ധിച്ച് വ്യക്തത ലഭിക്കുമെന്നാണ് പൊലീസിൻ്റെ പ്രതീക്ഷ. ഇതിന് ശേഷം തുടർ നടപടികള് സ്വീകരിക്കാനാണ് പൊലീസ് തീരുമാനിച്ചിരിക്കുന്നത്