കണ്ണൂരിൽ മുഖ്യമന്ത്രി വിഡി സതീശന് നേരെ കരിങ്കൊടി പ്രതിഷേധം

കണ്ണൂർ: കണ്ണൂർ ജില്ലയുടെ വിവിധ ഭാഗങ്ങളിൽ മുഖ്യമന്ത്രി വി.ഡി. സതീശന് നേരെ യുവമോർച്ച, ബിജെപി പ്രവർത്തകരുടെ കരിങ്കൊടി പ്രതിഷേധം. കണ്ണൂർ നഗരത്തിന് സമീപം താണയിലും മട്ടന്നൂർ എളമ്പാറയിലും വെച്ചാണ് മുഖ്യമന്ത്രിയുടെ വാഹനവ്യൂഹത്തിന് മുന്നിലേക്ക് ബിജെപി-യുവമോർച്ച പ്രവർത്തകർ കരിങ്കൊടിയുമായി ചാടിവീണത്. ഇരുസ്ഥലങ്ങളിലും പ്രതിഷേധക്കാരെ പൊലീസ് തടയുകയും ബലംപ്രയോഗിച്ച് അറസ്റ്റ് ചെയ്തു നീക്കുകയും ചെയ്തു

കണ്ണൂർ നഗരത്തിലെ താണയിൽ സുരക്ഷാ വലയം ഭേദിച്ചാണ് പ്രവർത്തകർ റോഡിലേക്ക് പാഞ്ഞടുത്തത്. യുവമോർച്ച കണ്ണൂർ നോർത്ത് ജില്ലാ പ്രസിഡന്റ് ഹേമന്ത് മാവിലക്കണ്ടിയുടെ നേതൃത്വത്തിലായിരുന്നു ഇവിടെ പ്രതിഷേധം അരങ്ങേറിയത്. മുഖ്യമന്ത്രിയുടെ വാഹനത്തിന് തൊട്ടുമുന്നിലേക്ക് പ്രവർത്തകർ ചാടിവീണതോടെ സുരക്ഷാ ഉദ്യോഗസ്ഥരും പൊലീസും ചേർന്ന് ഇവരെ റോഡിൽനിന്ന് ബലമായി നീക്കം ചെയ്ത് പൊലീസ് വാഹനത്തിലേക്ക് മാറ്റുകയായിരുന്നു.