കുടുംബ വഴക്കിന്റെ പേരില് ഭർത്താവ് ഭാര്യയുടെ കഴുത്തറുത്ത ശേഷം ശരീത്തിലൂടെ കാർ കയറ്റി കൊലപ്പെടുത്തി
ബംഗളൂരു: കുടുംബ വഴക്കിന്റെ പേരില് ഭർത്താവ് ഭാര്യയുടെ കഴുത്തറുത്ത ശേഷം ശരീത്തിലൂടെ കാർ കയറ്റി കൊലപ്പെടുത്തി.കർണാടകയിലെ കലബുറഗി ജില്ലയില് നടുറോഡിലാണ് അരുംകൊല. സംഭവത്തിന്റെ വീഡിയോ ദൃശ്യങ്ങള് പുറത്തുവന്നു.
കൊല്ലപ്പെട്ട സ്ത്രീ മഹാരാഷ്ട്ര സ്വദേശിയായ ഷൈല (28) ആണെന്നും പ്രതി ഭർത്താവ് അക്ഷയ് ആണെന്നും തിരിച്ചറിഞ്ഞിട്ടുണ്ട്. പൊലീസ് റിപ്പോർട്ട് അനുസരിച്ച് ഭർത്താവായ അക്ഷയ് ഷൈലയെ കാറില് കയറ്റി കൊണ്ടുപോകുകയും നടുറോഡില് വെച്ച് കഴുത്തറുക്കുകയും ആയിരുന്നു. പിന്നാലെ ഇയാള് യുവതിയുടെ ശരീരത്തിലൂടെ കാർ കയറ്റി.
പുറത്തുവന്ന വീഡിയോ ദൃശ്യങ്ങളില് അക്ഷയ് ഭാര്യയെ ക്രൂരമായി മർദിക്കുന്നത് കാണാം. ഷൈല സഹായത്തിനായി ഉച്ചത്തില് അലറിവിളിക്കുന്നതും വീഡിയോയില് കാണാം. പിന്നാലെ കാറുമായി ഇയാള് രക്ഷപ്പെട്ടു.പിന്നീട് ഇയാള് പോലീസിന്റെ പിടിയിലായി.
മറ്റ് യാത്രക്കാരാണ് ഈ ദൃശ്യങ്ങള് പകർത്തിയത്. കുടുംബവഴക്കാണ് കൊലപാതകത്തിന് കാരണം എന്നാണ് പൊലീസ് പറയുന്നത്.