സര്ക്കാര് സ്കൂളുകള്ക്ക് നല്കിയിരുന്ന സൗജന്യ കെ ഫോണ് സേവനം നിര്ത്തലാക്കി
തിരുവനന്തപുരം: സംസ്ഥാനത്ത് സര്ക്കാര് സ്കൂളുകള്ക്ക് നല്കിയിരുന്ന സൗജന്യ കെ ഫോണ് സേവനം നിര്ത്തലാക്കി. ഇനി ബില്ല് അടക്കുന്നവര്ക്ക് മാത്രം ഇന്റര്നെറ്റ് സേവനം നല്കിയാല് മതിയെന്നാണ് തീരുമാനം. ഇത് സംബന്ധിച്ച് കെ ഫോണ് ഇമെയില് വിദ്യാഭ്യാസ വകുപ്പ് പുറത്തുവിട്ടു. സംസ്ഥാനത്ത് 6000 സ്കൂളുകളിലാണ് കെ ഫോണ് സേവനം നല്കുന്നത്. ഒരു ഓഫിസിനും ഇനി മുതല് സൗജന്യമില്ലെന്ന് കെ ഫോണ് അറിയിച്ചു. 2018 മുതല് കെ ഫോണ് സേവനം ലഭിച്ച് തുടങ്ങിയത്. കെ ഫോണ് ആവശ്യമെങ്കില് അറിയിക്കണമെന്ന് സ്കൂളുകള്ക്ക് നിര്ദേശവും നല്കി.
സംസ്ഥാനത്തെ എല്ലാവര്ക്കും കുറഞ്ഞ ചെലവിലും ഗുണമേന്മയുള്ളതുമായ ഇന്റര്നെറ്റ് ലഭ്യമാക്കുക എന്ന ലക്ഷ്യത്തോടെ എല്ഡിഎഫ് സര്ക്കാര് കൊണ്ടുവന്ന പദ്ധതിയാണ് കെ-ഫോണ്. സാമ്പത്തികമായി പിന്നാക്കം നില്ക്കുന്ന കുടുംബങ്ങള്ക്ക് സൗജന്യമായി ഇന്റര്നെറ്റ് നല്കലും പദ്ധതിയുടെ ലക്ഷ്യമാണ്. ഐടി വകുപ്പിന് കീഴില് കെ.എസ്.ഇ.ബി (KSEB), കെ.എസ്.ഐ.ടി.ഐ.എല് (KSITIL) എന്നിവര് ചേര്ന്നാണ് പദ്ധതി മുന്നോട്ട് കൊണ്ടുപോകുന്നത്. ചക്കരക്കൽ വാർത്ത. സര്ക്കാര് ഓഫിസുകള്, സ്കൂളുകള്, ആശുപത്രികള്, ഐടി പാര്ക്കുകള്, മറ്റ് സര്ക്കാര് ഓഫീസുകള് എന്നിവയെല്ലാം കെ-ഫോണ് വഴി ഇതിനകം ബന്ധിപ്പിച്ചിരുന്നു. ഇന്റര്നെറ്റ് ഒരു അടിസ്ഥാന അവകാശമായി പ്രഖ്യാപിച്ച ആദ്യ സംസ്ഥാനമാണ് കേരളം.