കുറഞ്ഞത് പോലെ തന്നെ തിരിച്ചു കയറി സ്വർണ വില

സംസ്ഥാനത്ത് സ്വർണ വിലയിൽ ചാഞ്ചാട്ടം തുടരുകയാണ് . കഴിഞ്ഞ ദിവസം പവന് 1,120 രൂപയുടെ ഇടിവ് റിപ്പോർട്ട് ചെയ്തതിന് പിന്നാലെ ഇന്ന് നേരിയ വർധനവ്. 22 കാരറ്റ് സ്വർണത്തിന് ഒരു ഗ്രാമിന് 15 രൂപയുടെ മുന്നേറ്റത്തോടെ 14,010 രൂപയിലും പവന് 120 രൂപയുടെ വർധനയോടെ 1,12,080 രൂപയിലുമാണ് നിലവിൽ വ്യാപാരം നടക്കുന്നത്.

ഡോളർ ശക്തമായതും യുഎസ് ബോണ്ട് യീൽഡ് ഉയർന്നതും ആഗോള സ്വർണവിലയിൽ സമ്മർദ്ദം വർധിപ്പിച്ചു. ഔൺസിന് 4,300 ഡോളറിന് താഴെയെത്തിയ സ്വർണം 4,270 ഡോളറിലാണ് വ്യാപാരം. യുഎസ് ഫെഡറൽ റിസർവ് പലിശനിരക്ക് ഉയർത്തിയതും വിലയെ ബാധിക്കുന്ന ഘടകമായി.