സംശയരോഗം വില്ലനായി ….: ഭാര്യയെ കൊന്ന് മണലില് മൂടി, പൊന്നാനിയിലെ ഫാത്തിമയുടെ മരണം കൊലപാതകം
മലപ്പുറം: മലപ്പുറം പൊന്നാനിയില് മരിച്ചനിലയില് കണ്ടെത്തിയ ഫാത്തിമയുടേത് കൊലപാതകമാണെന്ന് സ്ഥിരീകരിച്ചു.ഭർത്താവ് മുഹമ്മദിനെ കസ്റ്റഡിയില് എടുത്തു. ട്രെയിനിന് മുന്നില് ചാടാനുള്ള ശ്രമത്തിനിടെ പരപ്പനങ്ങാടിയിലെ റെയില്വേ ട്രാക്കിനു സമീപത്തു നിന്നുമാണ് ഇയാളെ കസ്റ്റഡിയില് എടുത്തത്. സംശയം മൂലമാണ് ഭാര്യയെ കൊലപ്പെടുത്തിയതെന്നും ഇയാള് ലഹരിക്കടിമയാണെന്നും പൊലീസ് പറയുന്നു.
മുഹമ്മദും ഫാത്തിമയും തമ്മില് നിരന്തരം തര്ക്കം നടന്നിരുന്നുവെന്നും പൊലീസ് പറയുന്നു. ഇന്ന് രാവിലെയാണ് 22കാരിയായ ഫാത്തിമയെ പൊന്നാനി ഹാര്ബര് പരിസരത്ത് മരിച്ച നിലയില് കണ്ടെത്തിയത്. മണലില് കമിഴ്ന്ന് കിടക്കുന്ന രീതിയിലായിരുന്നു മൃതദേഹമുണ്ടായിരുന്നത്.ഇതിന് മുകളില് മണല്വാരിയിടുകയും ചെയ്തിരുന്നു.
ഒന്നര വര്ഷം മുന്പാണ് ഇരുവരുടെയും വിവാഹം കഴിഞ്ഞത്. ഇരുവര്ക്കും നാലുമാസം പ്രായമുള്ള കുഞ്ഞുണ്ട്.