മലപ്പുറത്ത് ഇടിമിന്നലേറ്റ് 4 വിദ്യാര്ത്ഥികള്ക്ക് ദാരുണാന്ത്യം
മലപ്പുറം: മലപ്പുറം മങ്കടയില് ഇടിമിന്നലേറ്റ് 4 കുട്ടികള്ക്ക് ദാരുണാന്ത്യം. പന്തല്ലൂര് മലയിലാണ് അപകടമുണ്ടായത്.7 വിദ്യാര്ത്ഥികള്ക്കാണ് മിന്നലേറ്റത്. വ്യൂ പോയിന്റ് സന്ദര്ശനത്തിനിടെയാണ് ദുരന്തം. റഹീസ് (20) ഫഹദ്(19) ബഹാസ് (18) സിയാദ് (18) എന്നിവരാണ് മരിച്ചത്. 2 വിദ്യാര്ത്ഥികള് മഞ്ചേരി മെഡിക്കല് കോളേജ് ആശുപത്രിയില് ചികിത്സയിലാണ്. മങ്കടയിലെ വെള്ളില ഭാഗത്ത് പന്തല്ലൂരിലെ വ്യൂ പോയിന്റിലാണ് അപകടമുണ്ടായിരിക്കുന്നത്. വിദ്യാര്ത്ഥികള് ഇവിടേക്ക് എത്തിയതായിരുന്നു. ആളുകള് സ്ഥിരമായി പോകുന്ന സ്ഥലമാണിത്. 4 പേര് കുഴഞ്ഞുവീണതിനെ തുടര്ന്ന് അവിടെയുണ്ടായിരുന്ന ആളുകള് ഇവരെ മഞ്ചേരി മെഡിക്കല് കോളേജിലേക്ക് എത്തിച്ചിരുന്നു. രണ്ട് പേര് മെഡിക്കല് കോളേജിലെത്തുമ്പോഴേയ്ക്കും മരണം സംഭവിച്ചിരുന്നു.