മകളുടെ വിവാഹത്തിന് നാട്ടിലേക്ക് മടങ്ങാനിരിക്കെ പ്രവാസി മലയാളി മരിച്ചു
മകളുടെ വിവാഹത്തില് പങ്കെടുക്കാൻ നാട്ടിലേക്ക് മടങ്ങാനിരുന്ന മലയാളി ജിദ്ദയില് മരിച്ചു. മലപ്പുറം വണ്ടൂർ അയനികോട് സ്വദേശി പാലൂരാൻ അബ്ദു റഹ്മാൻ (55) ആണ് ഹൃദയാഘാതം മൂലം ജിദ്ദയിലെ സനാബീലില് വെച്ച് മരണപ്പെട്ടത്.കഴിഞ്ഞ 12 വർഷമായി ജിദ്ദയില് ജോലി ചെയ്തു വരികയായിരുന്നു അദ്ദേഹം. അടുത്ത ആഴ്ച നടക്കാനിരിക്കുന്ന മകളുടെ നിക്കാഹില് പങ്കെടുക്കാനുള്ള എല്ലാ തയ്യാറെടുപ്പുകളും പൂർത്തിയാക്കി ചൊവ്വാഴ്ച നാട്ടിലേക്ക് പോകാനിരിക്കെയാണ് അപ്രതീക്ഷിതമായി മരണം സംഭവിച്ചത്.
പരേതനായ പാലൂരാൻ മൊയ്തീെൻറയും ഉമ്മുകുല്സുവിെൻറയും മകനാണ്. ഭാര്യ ഫാത്തിമ സബീറ. സഫ റഹ്മാൻ, ശിഫ, ശമ, മുഹമ്മദ് സഹല് എന്നിവർ മക്കളാണ്. സഹോദരങ്ങള്: നജീബ്, സുഹ്റ, സാജിദ, സാഹിറ, ഹസിന. മൃതദേഹം ജിദ്ദയില് തന്നെ ഖബറടക്കുമെന്ന് ബന്ധുക്കള് അറിയിച്ചു. മരണാനന്തര നിയമനടപടികള് പൂർത്തിയാക്കുന്നതിനും കുടുംബത്തെ സഹായിക്കുന്നതിനുമായി ജിദ്ദ കെ.എം.സി.സി വെല്ഫയർ വിങ്ങ് പ്രവർത്തകർ രംഗത്തുണ്ട്. സന്തോഷവാർത്തകള് പ്രതീക്ഷിച്ച് കാത്തിരുന്ന കുടുംബത്തിന് അബ്ദുറഹ്മാന്റെ വിയോഗം തീരാനൊമ്പരമായി.