പാലക്കാട് പത്താംക്ലാസ് വിദ്യാര്ഥിനിയെ കുളിമുറിയില് തൂങ്ങിമരിച്ച നിലയില് കണ്ടെത്തി
പാലക്കാട്. പത്താംക്ലാസ് വിദ്യാര്ഥിനിയെ കുളിമുറിയില് തൂങ്ങിമരിച്ച നിലയില് കണ്ടെത്തി.പൊന്നങ്കോട് പാലക്കണി വീട്ടില് റഷീദ്-സാബിറ ദമ്പതികളുടെ മകള് റിദ ഫാത്തിമയാണ് (16) ദാരുണമായി മരണപ്പെട്ടത്.
ബുധനാഴ്ച ഉച്ചയ്ക്ക് 12.30യോടെയായിരുന്നു സംഭവം നടന്നത്. തച്ചമ്പാറ ദേശബന്ധു സ്കൂളിലെ പത്താംക്ലാസ് വിദ്യാർഥിനിയായിരുന്നു റിദ. മരണകാരണം എന്താണെന്ന് ഇതുവരെ വ്യക്തമായിട്ടില്ലെന്നും ഇക്കാര്യത്തില് ഔദ്യോഗിക സ്ഥിരീകരണങ്ങള് വരാനിരിക്കുന്നതേയുള്ളൂവെന്നും പ്രാഥമിക വിവരങ്ങള് വ്യക്തമാക്കുന്നു.
കുളിക്കാനായി വീടിനോട് ചേർന്നുള്ള പുറത്തെ കുളിമുറിയില് കയറിയ കുട്ടി, ഏറെ നേരം കഴിഞ്ഞിട്ടും പുറത്തിറങ്ങാത്തതിനെ തുടർന്ന് വീട്ടുകാർ നടത്തിയ പരിശോധനയിലാണ് ഈ ദാരുണമായ സംഭവം പുറത്തറിയുന്നത്.ഉടൻതന്നെ കുട്ടിയെ ബന്ധുക്കളും വീട്ടുകാരും ചേർന്ന് തച്ചമ്പാറയിലെ സ്വകാര്യ ആശുപത്രിയില് എത്തിച്ചെങ്കിലും ജീവൻ രക്ഷിക്കാനായില്ല. ആശുപത്രിയില് എത്തുമ്പോഴേക്കും മരണം സംഭവിച്ചിരുന്നതായി അധികൃതർ വ്യക്തമാക്കുന്നു. സംഭവവുമായി ബന്ധപ്പെട്ട് കൂടുതല് വിവരങ്ങള് ലഭ്യമാകേണ്ടതുണ്ട്