രാഷ്ട്രപതി ദ്രൗപദി മുര്മു ഇന്ന് തീരുവനന്തപുരത്ത്
രാഷ്ട്രപതി ദ്രൗപദി മുര്മു ഇന്ന് കേരളത്തിലെത്തും. തിരുവനന്തപുരം ശംഖുമുഖത്ത് നടക്കുന്ന നാവികസേന ദിനാഘോഷങ്ങളില് പങ്കെടുക്കാനാണ് രാഷ്ട്രപതി എത്തുന്നത്.രാവിലെ തിരുവനന്തപുരം വിമാനത്താവളത്തിലെത്തുന്ന രാഷ്ട്രപതിയെ ഗവര്ണര് രാജേന്ദ്ര വിശ്വനാഥ് ആര്ലേക്കറുടെ നേതൃത്വത്തില് സ്വീകരിക്കും. വൈകിട്ട് നാലിനാണ് നാവികസേനയുടെ ശക്തിപ്രകടനം. ചടങ്ങില് നാവികസേനാ മേധാവി അഡ്മിറല് ദിനേശ് കെ ത്രിപാഠി പങ്കെടുക്കും.
തിരുവനന്തപുരത്ത് ആദ്യമായാണ് നാവികസേനാ ദിനാഘോഷം സംഘടിപ്പിക്കുന്നത്. 19 പ്രധാന യുദ്ധക്കപ്പലുകള് അടക്കം 40 ലേറെ പടക്കപ്പലുകളും അന്തര്വാഹിനിയും 32 പോര്വിമാനങ്ങളും പങ്കെടുക്കും.