പിഎസ്സി പരീക്ഷാ ക്രമക്കേട്; അന്വേഷണം ആഭ്യന്തര വിജിലന്സ് SPക്ക്
തിരുവനന്തപുരം: പിഎസ്സി പരീക്ഷാ ക്രമക്കേട് ആഭ്യന്തര വിജിലന്സ് എസ്പി അന്വേഷിക്കും. എസ് പി സിനി ഡെന്നീസിന്റെ നേതൃത്വത്തിലാണ് അന്വേഷണം നടക്കുക. പരീക്ഷ കണ്ട്രോളര് നടത്തുന്ന അന്വേഷണം നിര്ത്തിവയ്ക്കാനും തീരുമാനമുണ്ട്. ഇന്ന് ചേര്ന്ന പി എസ് സി യോഗമാണ് തീരുമാനം എടുത്തത്. ആഭ്യന്തര വിജിലന്സ് അന്വേഷിക്കാന് നേരത്തെ തീരുമാനിച്ചെങ്കിലും ഉത്തരവ് ഇറക്കിയിരുന്നില്ല. പകരം പരീക്ഷാ കണ്ട്രോളര്ക്ക് അന്വേഷണ ചുമതല ഏല്പ്പിക്കുകയായിരുന്നു. എന്നാല് ഇത് വലിയ വിവാദമായി. കേസ് അട്ടിമറിക്കാന് പിഎസ്സി ചെയര്മാന് രഹസ്യമായാണ് കണ്ട്രോളറെ അന്വേഷണം ഏല്പ്പിച്ചതെന്നായിരുന്നു ആരോപണം. വിഷയത്തില് പിഎസ്സി ആസ്ഥാനത്തേക്ക് ഇന്ന് യൂത്ത് കോണ്ഗ്രസ് മാര്ച്ച് സംഘടിപ്പിച്ചിരുന്നു.