മഴ കുറയുന്നു: ശക്തമായ കാറ്റിന് സാധ്യത, ജാഗ്രത
കണ്ണൂർ: മഴക്കെടുതിയില് വലഞ്ഞ കേരളത്തില് മഴ കുറയുന്നു. ഇന്ന് മുതല് ഒരു ജില്ലയിലും ശക്തമായ മഴ മുന്നറിയിപ്പ് ഇല്ല.
വ്യാഴാഴ്ച വരെ നേരിയതും മിതമായതുമായ മഴയ്ക്ക് സാധ്യതയുണ്ടെന്നും കേന്ദ്ര കാലാവസ്ഥ വകുപ്പ് അറിയിച്ചു.
അതിനിടെ ഇന്ന് മണിക്കൂറില് 40 മുതല് 50 കിലോമീറ്റര് വരെ വേഗത്തില് ശക്തമായ കാറ്റിന് സാധ്യതയുണ്ട്.
മോശം കാലാവസ്ഥയെ തുടര്ന്ന് മീന് പിടിത്തത്തിന് പോകാന് പാടില്ല.
തിരുവനന്തപുരം, കൊല്ലം, ആലപ്പുഴ, തൃശൂര് തീരങ്ങളില് കടലാക്രമണത്തിനും സാധ്യത.