വയോജനക്ഷേമ വകുപ്പ്’ രൂപീകരിച്ച് കേരള സർക്കാർ ഉത്തരവിറക്കി

​തിരുവനന്തപുരം: സംസ്ഥാനത്തെ മുതിർന്ന പൗരന്മാരുടെ ക്ഷേമം കൂടുതൽ കാര്യക്ഷമമാക്കുന്നതിനായി പുതിയ ‘വയോജനക്ഷേമ വകുപ്പ്’ രൂപീകരിച്ച് കേരള സർക്കാർ ഉത്തരവിറക്കി. വയോജനങ്ങൾക്കായി പുതിയ പദ്ധതികൾ ആവിഷ്കരിക്കാനും നിലവിലുള്ള വിവിധ പദ്ധതികളെ ഏകോപിപ്പിച്ച് കൂടുതൽ ഫലപ്രദമായി നടപ്പിലാക്കാനും ലക്ഷ്യമിട്ടാണ് ഈ പുതിയ വകുപ്പിന്റെ രൂപീകരണം.
​പൊതുഭരണ (ഏകോപനം) വകുപ്പിൽ നിന്നും സ.ഉ.(കൈ) നം. 63/2026/GAD നമ്പരായാണ് ചരിത്രപരമായ ഈ ഉത്തരവ് പുറപ്പെടുവിച്ചിരിക്കുന്നത്. കഴിഞ്ഞ ദിവസം (18-05-2026) ചേർന്ന മന്ത്രിസഭാ യോഗത്തിന്റെ (ഇനം. O.A-11) തീരുമാനപ്രകാരമാണ് ഈ നടപടി.
​പ്രധാന ലക്ഷ്യങ്ങൾ:
​പുതിയ പദ്ധതികൾ: സംസ്ഥാനത്തെ വയോധികരുടെ സാമൂഹിക-ആരോഗ്യ സുരക്ഷ ഉറപ്പാക്കുന്ന പുതിയ പദ്ധതികൾ രൂപീകരിക്കുക.
​ വിവിധ വകുപ്പുകളിലായി ചിതറിക്കിടക്കുന്ന വയോജന ക്ഷേമ പ്രവർത്തനങ്ങൾ ഒരൊറ്റ കുടക്കീഴിൽ കൊണ്ടുവന്ന് ഏകോപിപ്പിക്കo
​ഗവർണറുടെ ഉത്തരവിൻ പ്രകാരം പൊതുഭരണ വകുപ്പ് സെക്രട്ടറി കെ. ബിജു ഐ.എ.എസ് ആണ് ഈ ഉത്തരവ് പുറപ്പെടുവിച്ചിട്ടുള്ളത്. പുതിയ വകുപ്പ് രൂപീകരണവുമായി ബന്ധപ്പെട്ട തുടർനടപടികൾ സ്വീകരിക്കുന്നതിനായി സാമൂഹ്യനീതി വകുപ്പ് ഡയറക്ടർക്കും, മറ്റ് പ്രധാന വകുപ്പുകളായ ധനകാര്യം, ഉദ്യോഗസ്ഥ ഭരണപരിഷ്കാരം എന്നിവയ്ക്കും നിർദ്ദേശം നൽകിയിട്ടുണ്ട്.
​ഭരണഭാഷ മാതൃഭാഷയാക്കുന്നതിന്റെ ഭാഗമായി പൂർണ്ണമായും മലയാളത്തിലാണ് ഈ ഉത്തരവ് തയ്യാറാക്കിയിരിക്കുന്നത്. സംസ്ഥാനത്തെ വർദ്ധിച്ചുവരുന്ന വയോജന ജനസംഖ്യയ്ക്ക് വലിയ രീതിയിൽ തുണയാകുന്ന ഒരു സുപ്രധാന ചുവടുവെപ്പാണ് സർക്കാരിന്റെ ഈ പുതിയ തീരുമാനം.

---