മലപ്പുറത്ത് സ്ഥാനാർഥി കുഴഞ്ഞുവീണ് മരിച്ചു
മലപ്പുറം: മലപ്പുറത്ത് വനിതാ സ്ഥാനാർഥി കുഴഞ്ഞുവീണ് മരിച്ചു. പകല് മുഴുവൻ വോട്ടഭ്യർഥന നടത്തി വീട്ടിലെത്തിയപ്പോള് നെഞ്ചുവേദന അനുഭവപ്പെടുകയായിരുന്നു.വട്ടത്ത് ഹസീന (49) ആണു മരിച്ചത്. മൂത്തേടം പഞ്ചായത്തിലെ പായിമ്ബാടം ഏഴാം വാർഡില്നിന്നു മത്സരിക്കുന്ന യുഡിഎഫ് സ്ഥാനാർഥിയായിരുന്നു മരിച്ച മുസ്ലിം ലീഗിലെ വട്ടത്ത് ഹസീന.
പായിമ്ബാടം അങ്കണവാടി അധ്യാപികയാണ്. ഇന്നലെ പകല് മുഴുവൻ വീടുകള് കയറിയുള്ള വേട്ടഭ്യർഥനയും രാത്രി കുടുംബയോഗങ്ങളിലും പങ്കെടുത്താണ് വീട്ടിലെത്തിയത്.
രാത്രി 11.15 ഓടെ നെഞ്ചുവേദന അനുഭവപ്പെടുകയായിരുന്നു. എടക്കരയിലെ സ്വകാര്യ ആശുപത്രിയിലെത്തിക്കും വഴിയാണ് മരിച്ചത്. ഭർത്താവ്: അബദുറഹിമാൻ